ធ្វើជាមនុស្ស ត្រូវមានការប្រុងប្រយ័ត្នឱ្យបានច្រើន ទើបមិនសូវជួបរឿងគ្រោះថ្នាក់ ឬបរាជ័យ
សង្គមស្មុគស្មាញ ចិត្តមនុស្សពិបាកប៉ាន់ស្មាន អ្នកពិបាកនឹងដឹងថាគេមានចិត្តស្មោះត្រង់ពិត ឬក្លែងក្លាយមកលើអ្នកនោះឡើយ មានអ្នកខ្លះនៅចំពោះមុខយើងផ្សេង នៅពីក្រោយខ្នងយើងផ្សឹង ដើម្បីតែមាសប្រាក់ ផលប្រយោជន៍ សុខចិត្តកុហកបោកប្រាស់មិត្តរបស់ខ្លួន ដើម្បីសុភមង្គលរបស់ខ្លួនឯង សុខចិត្តទៅបំផ្លាញរបស់ដែលអ្នកដទៃមាន។
កុំធ្វើបាបដល់អ្នកដទៃ ហើយក៏កុំទទួលរងការធ្វើបាបពីគេដែរ ត្រូវគិតឱ្យបានម៉ត់ចត់ មនុស្សដែលនៅក្បែរខ្លួនសុទ្ធតែមានបំណងពិតប្រាកដដោយសុខចិត្តសុខកាយធ្វើចំពោះអ្នកមែនឬ? ហេតុអ្វីនៅចំពោះមុខផលប្រយោជន៍ ពួកគេនឹងជ្រើសរើសការពារខ្លួនទៅវិញ? ហេតុអ្វីបានជានៅចំពោះមុខសុភមង្គល ពួកគេនឹងជ្រើសរើសបំពេញបំណងខ្លួនឯងទៅវិញ? រឿងជាច្រើនត្រូវទៅពិចារណារឱ្យល្អិតល្អន់បន្តិច កុំបន្តិចសោះត្រូវបានពាក្យសម្ដីផ្អែមល្អែមរបស់គេពង្វក់បាននោះ។
ជួនខ្លះគេល្អចំពោះយើង គឺយល់ថាយើងមានផលប្រយោជន៍មែនទេ? ពេលដែលអ្នកជួបការលំបាកត្រូវការជំនួយ មានអ្នកណាមានចិត្តស្មោះចង់មកជួយអ្នកទៅ? ពេលដែលអ្នករុងរឿងមានអំណាច មានអ្នកណាខ្លះដើម្បីតែផលប្រយោជន៍ផ្ទាល់ខ្លួនមកទ្រអ្នក?
មេឃងងឹតផ្លូវរអិលណាស់ ចិត្តមនុស្សពិបាកប៉ាន់ស្មាន អ្នកមានចិត្តពិត ធ្វើល្អចំពោះអ្នក គឺជារឿងល្អហើយ អ្នកមានចិត្តល្អធ្វើល្អចំពោះអ្នកដទៃក៏ជារឿងល្អដែរ តែអ្វីដែលល្អបំផុតក៏សង្ឃឹមថា អ្នកប្រុងប្រយ័ត្នឱ្យបានខ្ពស់ មិនមែនដើម្បីទៅធ្វើបាបដល់អ្នកដទៃឡើយ ទាំងនេះសុទ្ធតែដើម្បីការពារខ្លួន បើសូម្បីតែខ្លួនយើងក៏ការពារមិនបានដែរនោះ ម៉េចនឹងអាចទៅការពារសាច់ញាតិរបស់ខ្លួនបានទៅ។
អ្នកធ្វើល្អចំពោះអ្នកដទៃដោយចិត្តស្មោះ តែគ្មានមនុស្សប៉ុន្មាននាក់ទេ ដែលមានចិត្តស្មោះចំពោះអ្នកវិញ។ ក្នុងនាមជាមនុស្ស ការល្អចំពោះខ្លួនឯង គឺជារឿងត្រឹមត្រូវ មនុស្សគ្រប់រូបសុទ្ធតែដើម្បីខ្លួនឯង តែក៏មិនអាចតែដើម្បីតែផលប្រយោជន៍ផ្ទាល់ខ្លួនហើយទៅធ្វើរឿងដែលធ្វើបាបដល់អ្នកដទៃដែរ មិនអាចដើម្បីតែមាសប្រាក់ អំណាច ផលប្រយោជន៍ ហើយទៅធ្វើបាបមិត្តដែលទុកចិត្តអ្នកនៅក្បែរខ្លួនអ្នកឡើយ ហើយក៏គ្មានអ្នកណាអាចល្អចំពោះអ្នកមួយជីវិតនោះដែរ។ ដូច្នេះកុំងាយជឿពាក្យសម្ដីរបស់អ្នកដទៃពេក ពេលវេលាអាចបញ្ជាក់ពីចិត្តមនុស្សបាន ពេលវេលាអាចប្រាប់អ្នកបាន តើអ្នកណាមានចិត្តស្មោះ ឬចិត្តក្លែងក្លាយនឹងអ្នក៕
អត្ថបទ ៖ Mythical Bird/ Knongsrok
ព័ត៌មានថ្មីៗ
