(វីដេអូ) មួយជើងនេះស្អាតណាស់! រាប់បានជា Free-Kick ល្អបំផុតរបស់ Bruno ឲ្យ Man Utd
នៅការប្រកួតមិត្តភាពរបស់ក្លឹប Man Utd និង Everton ដែលជាប្រកួតកម្តៅសាច់ដុំចុងក្រោយ មុនបើកឆាកនៅក្របខ័ណ្ឌ Premier League សម្រាប់ក្រុមបិសាចក្រហមបានយកឈ្នះ ៤-០ ទៅលើក្រុមស្ករគ្រាប់ខៀវ នៅឯកីឡដ្ឋាន Old Trafford។
គ្រាប់បាល់បញ្ចប់ទីទាំងបួនរបស់ United ធ្វើបានដោយ Mason Greenwood នៅនាទី ៨, Harry Maguire នៅនាទី ១៥, Bruno Fernandes នៅនាទី ២៩ និង Diogo Dalot នៅនាទី ៩០+២។ ក្នុងចំណោមគ្រាប់បាល់ទាំង ៤ យើងចាប់អារម្មណ៍ការស៊ុត Free-Kick របស់កីឡាករព័រទុយហ្គាល់ជាងគេ ដោយនេះអាចរាប់បានថា ជាគ្រាប់បាល់ Free-Kickល្អបំផុតរបស់គេនៅ Man Utd ហើយ។
នៅចម្ងាយជាង ២៥ ម៉ែត្រពីទី តារាឆ្នើមលេងតំណែងបម្រើ បានស៊ុតមួយជើងសំដៅចូលទីផ្នែកខាងឆ្វេង ផុតដៃអ្នកចាំទី Jordan Pickford ដែលព្យាយាមលោតដែរ តែលោតមិនដល់បាល់ ដែលមានល្បឿនលឿន។
ទស្សនាវីដេអូខាងក្រោម៖
https://youtu.be/FvOStmVBDRU
គួរបញ្ជាក់ថា Bruno Fernandes ចាយពេលនៅបិសាចក្រហម ជាង ១ ឆ្នាំកន្លះមកហើយ ដោយគេបង្ហាញខ្លួន ៨០ ប្រកួត រកបាន ៤០ គ្រាប់និង Assist ២៥ លើក។ និយាយពីគ្រាប់បាល់ Free-Kick ឯណេះវិញ គេធ្វើបាន ៣ លើកហើយទាំងសារនេះ ដោយ ២ លើកកន្លងមកមានដូចជាកាលប៉ះ Liverpool នៅជុំទី ៤ FA Cup និងប៉ះ Bournemouth នៅជុំទី ៣៣ Premier League៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
