ដឹងតម្លៃរថយន្តដែល Ronaldo ឈរក្បែរហើយ ល្មមម៉ាចាយប្រាក់ពលកម្ម ៤ ថ្ងៃអាចទិញបាន
កាលពីប៉ុន្មានថ្ងៃមុន តារាឆ្នើម Cristiano Ronaldo បានបង្ហោះរូបភាពមួយសន្លឹកនៅលើគណនី Instagram ដែលលោកឈរក្បែររថយន្តពណ៌ខ្មៅដ៏ទំនើប គឺម៉ាក Mercedes G-Class Brabus SUV។
វាជារថយន្ត Mercedes G-Class សេរ៊ីផុតលេខមួយ ដែលបំពាក់ដោយម៉ាស៊ីនរបស់ក្រុមហ៊ុន Brabus ផលិតនៅប្រទេសអាល្លឺម៉ង់ ហើយមានជម្រើសប្រភេទស៊ីឡាំង ៨ ឬ ១២ (V8 ឬ V12) ហើយវាមានកម្លាំង ៩០០ សេះ និងមានល្បឿនស្ទុះពី ០-១០០ គ.ម/ម៉ ប្រើពេល ៣,៨ វិនាទី។ រថយន្តសេរ៊ីនេះ បើនិយាយពីប្រភេទម៉ាស៊ីន V12 កាលចេញដំបូងនៅឆ្នាំ ២០១៩ គឺមានតែ ១០ គ្រឿងប៉ុណ្ណោះក្នុងលោក។ ចំពោះតម្លៃរបស់វាគឺ ៥១៦ ០០០ ផោនចូលប្រហែល ៧១៦ ០០០ ដុល្លារ។
យ៉ាងណាបើធៀបនឹងថ្លៃពលកម្មរបស់ Ronaldo ដែលរកបានជាង ១,១ លានដុល្លារក្នុងមួយសប្តាហ៍នៅក្លឹប Juventus ដូច្នេះមានន័យថា ត្រឹមតែពេលវេលាជាង ៤ ថ្ងៃជាមួយក្លឹបសេះបង្កង់ ក៏ Ronaldo អាចមានលទ្ធភាពទិញរថយន្តមួយគ្រឿងខាងលើបានហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
