ផ្លូវការ៖ Lionel Messi មិនស្នាក់នៅជាមួយ FC Barcelona ទៀតទេ
ក្លិប FC Barcelona បានប្រកាសថា Lionel Messi នឹងមិនបន្តស្នាក់នៅជាមួយខ្លួនទៀតទេ ខណៈដែលក្លិបមិនអាចបន្តកុងត្រានិងរ៉ាប់រង់ប្រាក់ឈ្នួលបាន។
ក្លិបបានចេញសេចក្ដីថ្លែងការណ៍ថា៖" ទោះបីជាក្លឹប FC Barcelona និង Lionel Messi បានឈានដល់កិច្ចព្រមព្រៀងមួយ និងមានចេតនាច្បាស់លាស់របស់ភាគីទាំងពីរក្នុងការចុះកុងត្រាថ្មីនៅថ្ងៃនេះក៏ដោយក៏រឿងនេះមិនអាចកើតឡើងដោយសារឧបសគ្គផ្នែកហិរញ្ញវត្ថុ និងរចនាសម្ព័ន្ធប្រាក់ឈ្នួល (បទបញ្ជារបស់លីគអេស្ប៉ាញ) ។
"ជាលទ្ធផលនៃស្ថានភាពនេះ Messi នឹងមិនបន្តនៅក្លឹប FC Barcelona ឡើយ។ ភាគីទាំងពីរមានការសោកស្តាយយ៉ាងខ្លាំង ដែលបំណងប្រាថ្នារបស់កីឡាករនិងក្លឹបនឹងមិនត្រូវបានសម្រេចនៅទីបំផុត"។
ក្លឹប FC Barcelona សូមថ្លែងអំណរគុណយ៉ាងជ្រាលជ្រៅចំពោះកីឡាកររូបនេះ ចំពោះការរួមចំណែករបស់គាត់ចំពោះការចំណាយពេលវេលាដ៏យូរ និងសូមជូនពរឱ្យគាត់ជួបតែសំណាងល្អសម្រាប់អនាគតក្នុងជីវិតផ្ទាល់ខ្លួន និងអាជីពរបស់គាត់"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
