ប៉ះ Ramos ច្រើនសារដែរ តែ Messi ចុចឈ្មោះគូប្រជែងរូបនេះ ជាកីឡាករពិបាកទប់ទល់បំផុត
ដ្បិតបើនៅ La Liga តារាឆ្នើម Lionel Messi បានជួបខ្សែការពារកំពូលដូចជា Sergio Ramos ច្រើនលើកមកហើយក៏ដោយ តែតាមការយល់ឃើញរបស់លោកអំពីគូប្រជែងដ៏តានតឹងបំផុតលើទីលាន មិនមែនជាកីឡាករក្លឹប Real Madrid នោះទេ។
ផ្ទុយទៅវិញជាអតីតកូនក្រុមរបស់ក្លឹប Girona ដែលបច្ចុប្បន្នលេងឲ្យក្លឹប Stuttgart នោះគឺខ្សែការពារស្លាបស្តាំ Pablo Maffeo។ កីឡាករវ័យ ២៤ ឆ្នាំ ជាអតីតយុវជនរបស់ City ហើយធ្លាប់ខ្ចីជើងមកលេងឲ្យ Girona បានប៉ុន្មានឆ្នាំដែរ។
ធ្លាប់ប្រាប់សារព័ត៌មាន DAZN តារាឆ្នើមពាក់អាវលេខ ១០ និយាយ៖ "ពួកគេពុំបានរំខានខ្ញុំពេកនោះទេ តែគ្រាន់ថាវាចម្លែកចិត្តហើយដែលមានមនុស្សនៅជុំវិញយើងរហូតលើទីលាន ជាការពិត វាមិនសូវកើតឡើងរឿងបែបហ្នឹងច្រើនឡើយ តែ Pablo Maffeo នៃក្លឹប Girona [គឺជាគូប្រជែងដែលតាមបិទខ្ញុំដ៏ស្អិតបំផុត]"។
បុរសវ័យ ៣៤ ឆ្នាំបន្ត៖ "ខ្ញុំមិនមែនជាមនុស្សដែលចេះត្អូញត្អែរអីនោះទេ តែពេលខ្លះលើទីលាន ពេលទទួលការរំខានពីគូប្រជែងពេក ខ្ញុំរាងខឹងបន្តិចដែរ តែវាត្រឹមជាផ្នែកមួយនៃការប្រកួតប៉ុណ្ណោះ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
