O’Hara ថាការផ្ទេររបស់ Grealish ទៅ City នឹងជោគជ័យដូចគន្លងចាស់កូនក្រុម Real ២ រូបនេះ
Jack Grealish មានដំណឹងថាកៀកនឹងសម្រេចការផ្ទេរមកកាន់ក្លឹប Manchester City ហើយ ជាមួយតម្លៃខ្លួនបំបែកកំណត់ត្រា ១០០ លានផោន។ ការផ្ទេរមកសារនេះ ក៏មានមតិខ្លះនិយាយថា កីឡាករអង់គ្លេសអាចនឹងទៅបំផ្លាញអាជីពរបស់ខ្លួននៅមេឃខៀវ ហើយខ្លះក៏យល់ឃើញល្អ ថាជាឱកាសបង្ហាញសមត្ថភាពពិតនៅក្លឹបយក្ស។
យ៉ាងណាតាមការយល់ឃើញរបស់អតីតជើងចាស់លោក Jamie O'Hara បានគិតវិជ្ជមាន ដោយជឿថា ការមកដល់របស់ Grealish សារនេះ ជាអ្វីដែលគេគួរតែធ្វើពិតប្រាកដ ហើយនឹងអាចជោគជ័យដូចការផ្ទេររបស់ Luka Modric និង Gareth Bale ចេញពី Tottenham Hotspur មក Real Madrid អ៊ីចឹងដែរ។
ប្រាប់ talkSPORT លោក O'Hara ថា៖ "វាជាការផ្ទេរដ៏ល្អសម្រាប់ Grealish ដោយនេះជាការចាយលុយក្រាស់ក្រែលណាស់សម្រាប់តែគេម្នាក់ ហើយ Man City ក៏នឹងរីករាយមើលការលេងរបស់គេជាមួយ Kevin de Bruyne ដែលអាចថាជាកីឡាករពោរពេញដោយការបង្កើតឱកាសនៅ Premier League ក៏ដូចជានឹងក្លាយជារដូវកាលដ៏គួរឲ្យជក់ចិត្ត"។
លោកបន្ត៖ "យើងនឹងបានឃើញនៅការបង្ហាញដ៏ល្អចេញពី Jack Grealish ហើយវាកាន់តែពិសេសបើគេអាចឈានទៅដល់កម្រិតខ្ពស់មួយទៀត ដោយខ្ញុំតែងតែមើល Luka Modric និង Gareth Bale ដែលគេអស្ចារ្យហើយកាលនៅ Spurs លុះផ្ទេរមកលេងឲ្យ Real Madrid គេបានអភិវឌ្ឍមកកម្រិតថ្មី ដូច្នេះខ្ញុំមានអារម្មណ៍ថា Jack Grealish អាចធ្វើបានរបៀបហ្នឹងដែរ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
