Christian Eriksen ប្រាប់មិត្តរួមក្រុមច្បាស់ៗ ពីពេលវេលាដែលនឹងចូលទីលានដូចដើមវិញ
កីឡាករដាណឺម៉ាក Christian Eriksen ដែលបានជួបបញ្ហាគាំងបេះដូង កំឡុងការប្រកួតឲ្យជម្រើសជាតិនៅ Euro 2020 កាលពីថ្ងៃទី ១២ ខែមិថុនា គិតមកទល់ពេលនេះស្ថានភាពរបស់លោកហាក់មានភាពល្អប្រសើរឡើងវិញហើយ។
ខ្សែបម្រើរបស់ក្លឹប Inter Milan ដែលធ្វើឲ្យគ្រប់គ្នាមានការតក់ស្លុតបារម្ភខ្លាចប៉ះពាល់ដល់អាយុជីវិត និងខកខានការឈរជើងលើទីលានជារៀងរហូតនោះ ទីបំផុតបានមករំលេចវត្តមានសារជាថ្មីនៅក្លឹប ដើម្បីបន្តតាមដានសុខភាព តែតាមការបញ្ជាក់ពីសាមីខ្លួនប្រាប់ទៅកាន់មិត្តរួមក្រុម គឺគេត្រូវការពេលវេលាយ៉ាងយូរ ៥ ខែប៉ុណ្ណោះ។
បើតាមការចុះផ្សាយរបស់ Football Italia បានឲ្យដឹងថា Eriksen បានមកនិយាយប្រាប់មិត្តរួមក្រុម ថាគេពិតជាសំណាងដែលឆ្លងផុតហេតុការណ៍ដ៏អាក្រក់នោះ ហើយគេជឿថា គេនឹងអាចវិលត្រលប់មកចូលរួមលើទីលានជាធម្មតាវិញ នៅកំឡុងពេល ៤ ទៅ ៥ ខែបន្ទាប់ ពោលអាចជានៅខែធ្នូ ឬដើមឆ្នាំ ២០២២។
https://twitter.com/i/status/1422934344176488450
គួរបញ្ជាក់ថា ការត្រលប់មកវិញសារនេះ ខាងក្របខ័ណ្ឌ Serie A ក៏ទាមទារឲ្យ កីឡាករត្រូវដោះថ្មបេះដូងជាចាំបាច់ ពោលមិនអនុញ្ញាតឲ្យបំពាក់ឧបករណ៍ ICD ជំនួយដល់បេះដូងនោះទេ ព្រោះវាជាច្បាប់របស់រដ្ឋាភិបាល ហើយប្រសិនគេចង់បន្តលេងទាំងបែបហ្នឹង លុះត្រាតែផ្ទេរចេញទៅលេងឲ្យលីគដទៃ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
