ទោះធ្លាប់លេងឲ្យ Real/Barca/Inter តែ Eto’o បែរជាចុចឈ្មោះក្លឹបនេះ ថាល្អបំផុតក្នុងលោក
Samuel Eto'o ជាអតីតខ្សែប្រយុទ្ធកំពូលមួយរូបកាលពីអតីតកាល ដែលធ្លាប់បម្រើអាជីពឲ្យក្លឹបធំៗដូចជា Real Madrid, Espanyol, Barcelona, Inter Milan និង Chelsea ជាដើម។ យ៉ាងណាថ្មីៗនេះសួរនាំអំពីក្លឹបល្អបំផុតដែលលោកពេញចិត្ត បែរជាលោកជ្រើសយកក្លឹបអេស្ប៉ាញមួយផ្សេងទៀតទៅវិញ។
ខ្សែប្រយុទ្ធសញ្ជាតិកាមេរ៉ូន និយាយថា៖ "ក្លឹប Mallorca ជាក្លឹបល្អបំផុតក្នុងលោក ពិតហើយព្រោះ Mallorca ពួកគេបានផ្តល់ឱកាសដល់ខ្ញុំ ឱកាស ពេលវេលា ក្នុងការលេងបាល់ទាត់ ហើយធំជាងប្រទេសខ្ញុំទៅ គឺ Mallorca នេះហើយជាអ្នកផ្តល់សេរីភាពដល់ខ្ញុំ"។
លោកបន្ត៖ "ពេលខ្លះបាល់ទាត់ កីឡាករមិនមានពេលវេលាលេងគ្រប់គ្រាន់ទេ ជាពិសេសពេលយើងនៅក្មេង ដែលនេះជាបញ្ហាដ៏លំបាក តែ Mallorca ពួកគេបានផ្តល់ពេលវេលាឲ្យខ្ញុំស្គាល់ពីខ្លួនឯង ពេលវេលាលេងបាល់ទាត់ ហើយខ្ញុំពិតជាមិនអាចបំភ្លេចរឿងទាំងនេះបាន ដោយពិតជាកម្រណាស់ការដែលមានក្លឹបផ្តល់ឱកាសឲ្យអ្នកបែបនេះ"។
បញ្ជាក់ថា Eto'o ជាអតីតយុវជនថ្នាលរបស់ Leganes និង Real Madrid B តែទើបតែមកដល់ Mallorca ចន្លោះឆ្នាំ ២០០០ ដល់ ២០០៤ នេះទេ ទើបគេហាក់មានការអភិវឌ្ឍ មុនត្រូវបានក្លឹប Barcelona មើលឃើញនិងចាយលុយ ២៧ លានអឺរ៉ូ នាំយកគេមក Camp Nou៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
