Diaz ហៅ Isco ឲ្យទៅលេងនៅ AC Milan ដល់ឥឡូវ Real ដាក់តម្លៃខ្លួនមកហើយ
មួយរយៈចុងក្រោយ យើងឃើញថាកីឡាករល្អៗនៅក្លឹប Real Madrid ជាច្រើន បានជ្រើសរើសផ្លូវបែក ដើម្បីឆ្ពោះទៅការចាប់ឱកាសនៅក្លឹបថ្មី ដែលអាចមានពេលវេលាលេងទៀងទាត់ជាងមុន និងខ្លះស្រវាឃើញលុយធំ ស្របពេលដែលក្លឹបអធិរាជសកំពុងជួបវិបត្តិហិរញ្ញវត្ថុ។
ទៅមើលយុវជន Brahim Diaz ដែលត្រូវបានក្លឹប AC Milan ខ្ចីជើងដល់ចុងរដូវកាល ឆ្នាំ ២០២៣ ក៏ត្រូវបានគេរាយការណ៍ថាបានបញ្ចុះបញ្ចូលចង់ឲ្យ Isco មកចូលរួមជាមួយខ្លួន នៅក្លឹបក្នុងប្រទេសអ៊ីតាលី។ ដល់លឺដំណឹងនេះ ខាងក្លឹបយក្សអេស្ប៉ាញក៏មិនបង្អង់យូរនោះដែរ ហើយបានទម្លាក់តម្លៃខ្លួនមកហើយ។
Isco ដែលត្រូវផុតកុងត្រានៅចុងខែមិថុនា ឆ្នាំ ២០២២ ក៏មិនបានលេងឲ្យក្រុមជម្រើសជាតិកន្លងទៅទៀត ដូច្នេះមានភាគរយតិចណាស់ដែលគេអាចជាប់ក្នុងការជ្រើសរើសរបស់លោក Carlo Ancelotti សម្រាប់រដូវកាលថ្មី។ ប្រភពពី Calciomeracto ចុះផ្សាយថា Madrid នឹងព្រមលក់កីឡាករវ័យ ២៩ ឆ្នាំ ប្រសិនអាចទទួលបានតម្លៃ ២៩ លានផោន ទន្ទឹមនេះក្លឹបដែលចង់បានក៏ត្រូវចរចាថ្លៃពលកម្មសម្រាប់គេខ្ទង់ ៥,៩ លានផោនឡើងផងដែរ [ជាទំហំថ្លៃពលកម្មគេរកបាននៅក្លឹបបច្ចុប្បន្ន]។
គួរបញ្ជាក់ថា អតីតកីឡាករក្លឹប Malagaបានចាយពេលនៅក្លឹប Real Madrid ជាង ៨ ឆ្នាំមកហើយ ដោយរកបាន ៥១ គ្រាប់និង AssistS ៥៦ លើកនៅការបង្ហាញខ្លួន ៣៣៦ ប្រកួតសរុប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
