បើ Inter លក់ Lukaku ឲ្យ Chelsea តើនឹងត្រូវផ្ដល់ប្រាក់ភាគលាភប៉ុន្មានដល់ Man Utd?
នៅក្នុងកិច្ចព្រមព្រៀងរបស់ក្លឹប Man Utd ដែលសម្រេចលក់ Romelu Lukaku ឲ្យមក Inter Milan កាលពីរដូវក្តៅ ឆ្នាំ ២០១៩ គឺមានតម្លៃខ្លួន ៧៤ លានអឺរ៉ូ ជាមួយសុពលភាពកុងត្រាដល់ឆ្នាំ ២០២៤។ យ៉ាងណាបើស៊ីជម្រៅទៅ ក្នុងកិច្ចព្រមព្រៀងនោះ ក៏មានលក្ខខណ្ឌមួយចំនួនផ្សេងទៀត តួយ៉ាងដូចជាភាគលាភនៃការលក់ចេញទៅកាន់ក្លឹបបន្ទាប់ ដែលត្រូវផ្តល់ឲ្យក្លឹបចាស់ប្រមាណ ៥ ភាគរយ។
ផ្សារភ្ជាប់ទៅនឹងចចាមអារ៉ាមដែលកៀកនឹងសម្រេចបាន ១០០ ភាគរយ ពាក់ព័ន្ធការផ្ទេរ Lukaku ទៅកាន់ក្លឹប Chelsea ប្រសិនណាចរចាសម្រេចត្រូវតម្លៃ ១០០ លានផោន ដូចសំណើ Chelsea បានដាក់មក នោះក៏មានន័យថា Inter Milan ត្រូវផ្តល់ ៥ លានផោនឲ្យទៅក្លឹបម្ចាស់ដី Old Trafford ផ្អែកទោតាមកិច្ចព្រមព្រៀងបានកំណត់។
យើងមានតែរង់ចាំមើល ព្រោះតាមដឹង Inter ក៏មិនសូវចង់លក់ដែរ តែសំខាន់ស្ថានភាពចុងក្រោយនៅក្លឹបអ៊ីតាលី គឺប្លែកពីមុន ដោយសារគ្មានលោក Antonio Conte ដូច្នេះបើកីឡាករផ្ទាល់រើបម្រាស់ចង់ចេញ ក្លឹបក៏នឹងពិបាកហាមដែរ។ ទៅចូលរួមនៅ Chelsea តារាឆ្នើមសញ្ជាតិបែលហ្សិកទំនងជានឹងត្រូវជំនួសតំណែង Timo Werner ដែលគេអសមត្ថភាពនៅការបញ្ចប់ទីកាលពីរដូវកាលមុន។
រំឭកថាចាយពេលជិត ២ ឆ្នាំនៅ Inter Milan កីឡាករវ័យ ២៨ ឆ្នាំ បង្ហាញខ្លួន ៩៥ ប្រកួត រកបាន ៦៤ គ្រាប់និង Assist ១៦ លើក។ គេបានឈ្នះពាន Serie A និងពានឯកត្តជននាមកីឡាករល្អបំផុតប្រចាំឆ្នាំកាលពីពេលកន្លងទៅផងដែរ៕
ប្រភព៖ ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
