លោក Luis van Gaal ត្រឡប់មកដឹកនាំជម្រើសជាតិហូឡង់សារជាថ្មីក្រោយប្រកាសចូលនិត្តន៍
លោក Louis van Gaal បានវិលត្រឡប់មកកាន់តំណែងជាគ្រូបង្វឹកក្រុមជម្រើសជាតិហូឡង់ ហើយគាត់បានចុះកិច្ចសន្យារហូតដល់ចប់ការប្រកួតបាល់ទាត់ពិភពលោកឆ្នាំ ២០២២ នៅប្រទេសកាតា។
អតីតគ្រូបង្វឹកក្រុម Ajax, Barcelona និង Bayern Munich មិនបានដឹកនាំក្រុមណាមួយឡើយចាប់តាំងពីលោកបានលាលែងពីតំណែងអ្នកចាត់ការក្រុម Manchester United កាលពីឆ្នាំ ២០១៦ ។
នេះជាលើកទី ៣ ហើយរបស់លោក Van Gaal ក្នុងការដឹកនាំក្រុមជម្រើសជាតិបន្ទាប់ពីលោកធ្លាប់ដឹកនាំពីឆ្នាំ ២០០០-២០០២ និង ២០១៤-២០១៦។ គាត់មកលើកនេះគឺមកជំនួសលោក Frank de Boer ដែលបានចាកចេញពីតំណែងបន្ទាប់ទទួលបានលទ្ធផលខកចិត្តខ្លាំងដោយសារចាញ់ជម្រើសជាតិសាធារណរដ្ឋឆែកក្នុងវគ្គ១៦ក្រុមចុងក្រោយពានរង្វាន់ Euro 2020៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
