ចង់បានអីតែឯង! R.Madrid ចូលប្រជែង Man Utd តាមយកកីឡាករឆ្នើមរូបនេះហើយ
ដូចប្រិយមិត្តបានដឹងរួចមកហើយ សម្រាប់ក្លឹបបិសាចក្រហម Man Utd មួយរយៈក្រោយនេះ យើងលឺដំណឹងថា ពួកគេចង់បានខ្សែបម្រើថ្មី ដើម្បីត្រៀមទុកជំនួស Paul Pogba ដែលអាចចាកចេញនៅពេលខាងមុខ។ គោលដៅដែលក្លឹបសម្លឹងឃើញ នោះគឺ Leon Goretzka របស់ក្លឹប Bayern Munich។
យ៉ាងណាសារនេះ United នឹងមិនចូលចរចាតែឯងឡើយ ដោយមានដំណឹងមកថាក្លឹប Real Madrid បានលៃលកចង់បានកីឡាករអាល្លឺម៉ង់រូបនោះដែរហើយ។
តាមពិតទៅបុរសវ័យ ២៦ ឆ្នាំក៏គេមានចិត្តចង់ចាកចេញដែរ ក្រោយពីក្លឹបមិនអាចផ្តល់ប្រាក់ពលកម្មតាមតម្រូវការដែលគេចង់បានគឺ ១៩,៥ លានផោន/ឆ្នាំ ប្រហែលនឹងកុងត្រារបស់ David Alaba ដែលបានផ្ទេរមក Real Madrid។ នេះបើតាមសារព័ត៌មាន AS បានចុះផ្សាយ។
ដូច្នេះវានឹងកាន់តែល្អមើល ប្រសិនក្លឹបទាំងពីរមិនអាចសម្រេចការនាំយក Goretzka ត្រឹមរដូវក្តៅនេះទេ ក៏ពន្យារដល់ឆ្នាំក្រោយដើម្បីឲ្យគេអស់តម្លៃខ្លួន ពេលផុតសុពលភាពកុងត្រា ហើយសឹមចរចាតែតម្រូវការថ្លៃពលកម្មមួយមុខ។ បញ្ជាក់ថាកាលពីរដូវកាលមុន ខ្សែបម្រើខាងលើរកបាន ៩ គ្រាប់និង Assist ៨ លើកនៅការបង្ហាញខ្លួន ៣២ ប្រកួតឲ្យ Bayern ដែលរាប់ជាស្ថិតិល្អគួរសម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
