គ្រូបង្វឹកថ្មីរបស់ Bayern និយាយបែបណាអំពីស្ថានភាពរបស់ Goretzka ក្រោយលឺថា Man Utd ចង់បាន?
និយាយអំពីអនាគតរបស់ Leon Goretzka អ្នកចាត់ការថ្មីរបស់ក្លឹប Bayern Munich លោក Julian Nagelsmann បាននិយាយថា៖“ ដូចដេលខ្ញុំបាននិយាយជារឿយៗអញ្ចឹង ខ្ញុំមិនជាប់ពាក់ព័ន្ធគ្រប់គ្រាន់ជាមួយរឿងទាំងនេះទេ។ ខ្ញុំសុខចិត្តនៅក្រៅរង្វង់បញ្ហានៃកិច្ចសន្យាទាំងអស់នេះ"។
ក្រុមបិសាចក្រហម Manchester United ត្រូវបានគេនិយាយថាកំពុងពិភាក្សាជាមួយភ្នាក់ងាររបស់កីឡាករវ័យ ២៦ ឆ្នាំ ខណៈដែលពួកគេកំពុងសម្លឹងរកការចុះហត្ថលេខាលើអតីតខ្សែបម្រើ Schalke 04 រូបនេះក្នុងការផ្ទេរដោយឥតគិតថ្លៃនៅរដូវក្តៅក្រោយ។
“ ពិតណាស់ខ្ញុំបាននិយាយជាមួយគាត់ អំពីផែនការរបស់ខ្ញុំសម្រាប់គាត់។ ខ្ញុំបានប្រាប់គាត់ថា ខ្ញុំនឹងសប្បាយចិត្តប្រសិនបើគាត់បន្តហើយខ្ញុំក៏មានទំនុកចិត្តដែរ។ មានប្រធានបទជាច្រើនទាក់ទងនឹងការពិភាក្សាអំពីការពង្រីកកិច្ចសន្យា"។
"ខ្ញុំនឹងបន្តផ្តោតលើផ្នែកកីឡា ហើយបង្ហាញគាត់ថា គាត់អាចជាខ្សែបម្រើដ៏គ្រោះថ្នាក់បំផុតម្នាក់នៅទ្វីបអឺរ៉ុប។ គាត់មានសក្តានុពលក្នុងការធ្វើឱ្យកាន់តែប្រសើរឡើងក្នុងក្រុម។ ភារកិច្ចរបស់យើងក្នុងនាមជាក្លឹបគឺតែងតែឃ្លាំមើលលើទីផ្សារ” ។
Goretzka នៅសល់កុងត្រាតែ១២ខែទៀតប៉ុណ្ណោះនៅ Bayern ហើយគាត់ត្រូវបានគេរាយការណ៍ថាបានបដិសេធសំណើកិច្ចសន្យាថ្មីជាច្រើនលើកពីក្លិបយក្ស Bundesliga មួយនេះ ៕
ប្រភព៖ Eurosport
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
