កីឡាករនៅ Man Utd ចាប់អារម្មណ៍កាយសម្បទារបស់ Van de Beek មុនការប្រកួតរដូវកាលថ្មី
រាយការណ៍ដោយកាសែតអង់គ្លេស The Athletic មិត្តរួមក្រុមនៅ Manchester United មានអារម្មណ៍កោតសរសើរចំពោះការខិតខំប្រឹងប្រែងរបស់ខ្សែបម្រើ Donny van de Beek ដែលបានកែប្រែកាយសម្បទារបស់ខ្លួន។
ថ្វីត្បិតតែរដូវកាលដំបូងមិនសូវល្អ និងត្រូវដកចេញពីបញ្ជីឈ្មោះជម្រើសជាតិ Euro2020 របស់ហូឡង់ដោយមានរបួសក៏ដោយ Van de Beek បានធ្វើឱ្យរាងកាយរបស់គាត់ប្រសើរឡើងមុនពេលចូលប្រឡូកក្នុងរដូវកាលថ្មី។
ខ្សែបម្រើសញ្ជាតិហូឡង់រូបនេះ ហាក់ដូចជាទទួលបានសាច់ដុំច្រើន ហើយប្រភពមួយនៅក្នុងក្លឹបបានបញ្ជាក់ថា Donny Van de Beek មើលទៅមានភាពជឿជាក់ជាងពេលដែលគាត់ចូលរួមលើកដំបូងកាលពីរដូវកាលមុន។
កាសែត The Athletic បានសំគាល់បន្ថែមថា Van de Beek ស្ទើរតែគ្មានពេលហាត់ប្រាណ ដើម្បីសុខភាពរបស់គាត់ដោយសារកាលវិភាគប្រកួតនៅឆ្នាំ ២០២០/២១ ។ ទោះយ៉ាងណាក៏ដោយ! ប្រសិនបើគាត់នៅតែរក្សាកាយសម្បទារឹងមាំ និងមានស្វាហាប់បានល្អទីបំផុតនោះ យើងនឹងអាចឃើញគាត់បង្ហាញសក្តានុពលរបស់គាត់នៅ Old Trafford ក្នុងរដូវកាលនេះមិនខាន។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
