ចាន់ វឌ្ឍនាកាស៊ុតយ៉ាងសាហាវ២គ្រាប់ម្នាក់ឯងជួយបឹងកេតរកបាន៣ពិន្ទុពីព្រះខ័នរាជ
ក្រុមបឹងកេតរកបាន៣ពិន្ទុបន្ថែមពីការយកឈ្នះក្រុមព្រះខ័នរាជស្វាយរៀងបន្ទាប់ពីយកឈ្នះក្រុមម្ចាស់ផ្ទះព្រះខ័នរាជស្វាយរៀងក្នុងលទ្ធផល២ទល់១ក្នុងការប្រកួតនៅពានរង្វាន់ Metfone Cambodian League 2021 នៅកីឡដ្ឋានខេត្តស្វាយរៀង។
ក្រុមព្រះខ័នរាជស្វាយរៀងបានធ្វើការនាំមុខមុននៅនាទទី១៥ដោយកីឡាករ Jean Befolo Mbaga Marie Privat តែយ៉ាងណា ចាន់ វឌ្ឍនាកាស៊ុតតាមស្មើនៅនាទី ៤៤មុនចប់វគ្គទីមួយ។
ចូលវគ្គទី២ ការប្រកួតចំណាយពេល៤៥នាទីគ្មានការស៊ុតបញ្ចូលទីនោះទេ ប៉ុន្តែចូលដល់ម៉ោងបន្ថែមមានរបួស ចាន់ វឌ្ឍនាកាបន្ថែមគ្រាប់ជ័យជម្នះដោយការទាត់ផ្ដាប់ចានមួយជើងយ៉ាងល្អបញ្ជូលទីឱ្យបឹងកេតឈ្នះតែម្ដង។
ចំណែកលទ្ធផលដទៃទៀតក្នុងការប្រកួតថ្ងៃនេះ! ណាហ្គាវើលស្មើជាមួយភ្នំពេញក្រោន១ទល់១ វិសាខាឈ្នះព្រៃវែង៣ទល់២ ខណៈដែលគិរីវង់ឈ្នះអគ្គិសនីកម្ពុជា២ទល់០។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
