អ្នកកាសែតម្នាក់ជាអ្នកគាំទ្រ Arsenal អះអាងថាវិធីសាស្រ្តដឹកនាំរបស់ Sir Alex នឹងត្រូវលុបចោលនៅក្នុងសង្គមបច្ចុប្បន្នព្រោះគាត់ពូកែមនុស្សសម្លុតកីឡាករ
អ្នកគាំទ្រក្រុម Arsenal ម្នាក់ដែលមានកេរ្តិ៍ឈ្មោះនិងជាអតីតអ្នកសារព័ត៌មាន អតីតពិធីករទូរទស្សន៍លោក Piers Morgan បានអះអាងថាលោក Sir Alex Ferguson នឹងមិនអាចកាន់តំណែងជាអ្នកចាត់ការទូទៅបានយូរនោះទេ ប្រសិនបើលោកទទួលយកការងាររបស់ Man United ដែលស្ថិតពេលបច្ចុប្បន្ននេះ។
គាត់បានសរសេរក្នុងបណ្ដាញសង្គម Twitter ថា៖“ លោក Sir Alex Ferguson ដែលជាគ្រូបង្វឹកដ៏អស្ចារ្យបំផុតនៅក្នុងប្រវត្តិសាស្ត្រកីឡា នឹងត្រូវលុបចោលនៅក្នុងពិភពកីឡានាពេលបច្ចុប្បន្ននេះ ព្រោះតែលោកមានភាពឃោរឃៅពេក រំលោភបំពានខ្លាំងពេក មិនយល់ស្របច្រើនពេក ជ្រុលពេកហើយ និង“ សម្លុត” ច្រើនពេក។ នេះគឺជាការឆ្លុះបញ្ចាំងអំពីសង្គមដែលប្រើពាក្យអសុរោះ មិនមានសិទ្ធិក្នុងការតវ៉ា ទទួលបានសិទ្ធិឬមានអារម្មណ៍ហួសហេតុ ដែលអាចងាយអាក់អន់ចិត្ត និងមិនអាចដោះស្រាយជាមួយមតិប្រឆាំងរបស់អ្នក។ អបអរសារទសម្រាប់អ្នកកដែលរស់នៅក្នុងសង្គមពេលនេះ"។
Sir Alex ត្រូវបានគេចាត់ទុកថាជាអ្នកចាត់ការដ៏ល្អបំផុតម្នាក់នៅក្នុងប្រវត្តិសាស្ត្របាល់ទាត់ ប៉ុន្តែអ្វីដែលគាត់ទទួលបានក្នុងពេលនេះ ដោយសារតែភាពគ្មានមេត្តារបស់គាត់ពេលគាត់ដឹកនាំ។ គ្រូបង្វឹកសញ្ជាតិស្កុតឡេនដឹងពីរបៀបធ្វើការសម្រេចចិត្តក្នុងស្ថានភាពពិបាក ទោះបីជាវាមានន័យថាគាត់បានលក់កីឡាករសំខាន់ក៏ដោយ។
ជាងនេះទៅទៀត ភាពខឹងច្រឡោតដ៏ល្បីល្បាញរបស់គាត់អាចមានសភាពអាប់អួរខ្លាំង ដែលជាអ្វីដែលកីឡាករបាល់ទាត់សម័យទំនើបប្រហែលជាមិនទទួល និងអាចដោះស្រាយបាន។ នៅក្នុងពិភពបាល់ទាត់បច្ចុប្បន្នអ្នកចាត់ការអាចប្រឈមនឹងការបាត់បង់ការងារ ប្រសិនបើពួកគេប្រើប្រាស់កំហឹង និងគប់នេះ គប់នោះដាក់កីឡាករ ដូចដែលលោក Sir Alex ធ្លាប់គប់ស្បែកជើងទៅកាន់ David Beckhamជាដើម។
ថ្វីបើមានវិធីសាស្រ្តពិសេសៗរបស់គាត់ដែលគ្មាននរណាដូចក៏ដោយ ក៏លោក Ferguson ទទួលបានជោគជ័យយ៉ាងត្រចះត្រចង់ក្នុងការដឹកនាំ ២៦ ឆ្នាំនៅក្រុមបិសាចក្រហមដោយជួយក្លឹបឈ្នះពានរង្វាន់ Premier League ១៣ ដង FA Cup ៥ ដងនិង Champions League ២ ដង ព្រមទាំងពានរង្វាន់តូចៗជាច្រើនដងទៀត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
