[ផ្លូវការ] កុំឲ្យចាញ់ចិត្តអ្នកគាំទ្រ United! ក្លឹប Arsenal ជះ ៥៨ លានអឺរ៉ូ យកបានចំណូលថ្មីហើយ
មួយរយៈ ចុងក្រោយនេះ មានការរិះគន់ពីអ្នកគាំទ្រនៃក្លឹបធំៗដូចជា Man Utd, Chelsea និង Man City ជាដើម ផ្ញើទៅ Arsenal ថាពួកគេហាក់មិនហ៊ានចេញលុយធំទាល់តែសោះ ដោយត្រឹមបណ្តុះយុវជនឲ្យឡើងមកលេងនៅឈុតធំនារយៈពេលចុងក្រោយ។
ជាការឆ្លើយតបមកវិញ ក្លឹបកាំភ្លើងធំ មិនរង់ចាំយូរឡើយ ហើយក៏បានសម្រេចការចរចាខ្នាតធំមួយដោយចាយដល់ ៥៨,៥ លានអឺរ៉ូ លើការនាំយកខ្សែការពារកណ្ដាល Ben White ពីក្លឹបBrighton ដែលតម្លៃនេះថ្លៃជាងទាំង Raphael Varane ផ្ទេរមក Man Utd ទៅទៀត [Real លក់ឲ្យ United ៥០ លានអឺរ៉ូ]។
Ben White បានព្រមព្រៀងសុពលភាពកុងត្រារយៈពេល ៥ ឆ្នាំ ពោលដល់ចុងខែមិថុនា ឆ្នាំ ២០២៦ ហើយគេនឹងក្លាយជាប្រព័ន្ធការពារថ្មី ដែលជំនួសតំណែង David Luiz ឲ្យក្រុមដឹកនាំដោយលោក Mikel Arteta។
បញ្ជាក់ជុំវិញការមកដល់របស់ កីឡាករវ័យ ២៣ ឆ្នាំលោក Arteta និយាយ៖ "Ben គេជាគោលដៅកំពូលរបស់យើង ហើយពេលនេះពិតជាល្អដែលយើងអាចសម្រេចយកគេមកបាន ហើយគេជាខ្សែការពារឈ្លាសវៃ ដែលពិតជាសក្តិសមសម្រាប់ការលេងឲ្យក្លឹប Arsenal"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
