Solskjaer ថាកាលជំនាន់ Sir Alex ដឹកនាំ ប៊ិះតែយកបានអតីតកីឡាករ R.Madrid រូបនេះហើយ
លោក Ole Gunnar Solskjaer ជារឿយៗតែងតែលើកអំពីឈ្មោះលោក Sir Alex Ferguson ព្រោះលោកគោរពគ្រូតារូបនេះខ្លាំងបំផុត ហើយឲ្យតែមានបញ្ហាអ្វី ក៏រត់ឲ្យលោកជួយ ដើម្បីផ្តល់យោលប់។
យ៉ាងណាថ្មីៗនេះ បុរសសញ្ជាតិន័រវែសក៏បានរំឭកដល់ពេលវេលាពីមុនដែល Sir Alex ប៊ិះតែយកបានចំណូលថ្មីបច្ចុប្បន្នគឺ Raphael Varane តាំងពីសម័យកាលលោកដឹកនាំមកម្ល៉េះ។ ដូច្នេះមានន័យថា កីឡាករបារាំងតាមគិតទៅប៊ិះតែនឹងបានមកលេងឲ្យក្លឹបនៅអង់គ្លេសតាំងតែពីជិត ១០ ឆ្នាំមុន។
Solskjaer និយាយ៖ "Varane គឺជាខ្សែការពារកណ្តាលដ៏ជោគជ័យមួយរូបក្នុងលោក ហើយខ្ញុំពិតជារីករាយខ្លាំងណាស់ការដែលយើងអាចឈានដល់កិច្ចព្រមព្រៀងមួយនេះ ព្រោះគេជាកីឡាករដែលយើងតាមមើលច្រើនឆ្នាំមកហើយ ពោលខ្ញុំក៏ដឹងដែរតាំងពីជំនាន់លោក Sir Alex គឺគាត់ប៊ិះតែនឹងយកបាន Varane ទៀតផង"។
គួរបញ្ជាក់ថា កីឡាករវ័យ ២៨ ឆ្នាំបានព្រមព្រៀងលើសុពលភាពកុងត្រារយៈពេល ៥ ឆ្នាំ ដល់ឆ្នាំ ២០២៦។ ការផ្ទេរចេញពី Real Madrid សារនេះ Varane មានតម្លៃខ្លួន ៥០ លានអឺរ៉ូ ជាកីឡាករថ្លៃបំផុតលំដាប់ទី ៤ របស់អធិរាជស បន្ទាប់ពី Alvaro Morata, Angel di Maria និង Cristiano Ronaldo៕
ប្រភព៖ AF
ព័ត៌មានថ្មីៗ
