Ramos ចេញសារមួយផ្ញើទៅ Varane ភ្លាម ក្រោយឃើញដំណឹងផ្ទេរទៅក្លឹបថ្មី Man Utd
Sergio Ramos បានផ្ញើសារមួយទៅកាន់អតីតមិត្តរួមទ្រនំ Raphael Varane ក្រោយពីសម្រេចការផ្ទេរទៅកាន់ក្លឹបថ្មី Manchester United។ បញ្ជាក់ថារយៈពេលចុងក្រោយនេះ ក្លឹប Real Madrid បានបាត់បង់ជញ្ជាំងការពារក្រោយដ៏រឹងមាំ ២ រូបដោយមួយផ្ទេរទៅក្លឹបនៅបារាំងនិងមួយក្លឹបនៅអង់គ្លេស។
សម្រាប់ Ramos ក្រោយឃើញ Varane ផ្ទេរទៅក្លឹបថ្មី គេក៏បានផ្ញើសារនឹករលឹក ជូនពរ និងលេងសើចបែបនេះថា៖ "សម្រាប់ Raphael ខ្ញុំមានតែនិយាយអរគុណអ្នកសម្រាប់មិត្តភាពរបស់យើងច្រើនឆ្នាំមកនេះ ហើយសូមជូនពរឲ្យឯងជោគជ័យនៅជំហានថ្មី ដែលវានឹងពិតជាគួរឲ្យចាប់អារម្មណ៍ ហើយប្រសិនយើងជួបគ្នាលើទីលាន ប៉ះក្រុមនៅប្រទេសរបស់ឯងនេះស្រាប់ផង កុំភ្លេចប្រយ័ត្នឲ្យបានល្អផង"។
គួរបញ្ជាក់ថា Ramos បានចាយពេល ១៦ ឆ្នាំនៅ Real Madrid ស្របពេលដែល Varane ជិត ១០ ឆ្នាំដែរ ហើយកំឡុងពេលសហការរួមគ្នាពួកគេលើកពានរង្វាន់សរុប ១៨ លើក រួមបញ្ចូលទាំងពាន La Liga ៣ លើក និង Champions League ៤ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
