ផ្លូវការ៖ កូរ៉េខាងជើងដកខ្លួនចេញពីវគ្គជម្រុះ AFC U23 Asian Cup ធ្វើឱ្យពូល K ដែលនៅសល់ជប៉ុននិងកម្ពុជាចាប់ឆ្នោតឡើងវិញ
សហព័ន្ធកីឡាបាល់ទាត់អាស៊ី (AFC) បានបង្ហាញអំពីព័ត៌មាន ការដកខ្លួនរបស់សមាគមបាល់ទាត់កូរ៉េខាងជើងពីការប្រកួតជម្រុះ AFC U23 Asian Cup ក្នុងប្រទេស អ៊ូសបេគីស្ថាននៅឆ្នាំ ២០២២ និងពានរង្វាន់ AFC Asian’s Asian Cup ២០២២ ™។
អាស្រ័យហេតុនេះ! ការប្រែប្រួលនៃចំនួនក្រុមនៅពូលផ្សេងៗគ្នានៃព្រឹត្តិការណ៍វគ្គជម្រុះ AFC U23 Asian Cup Uzbekistan 2022 ™តំបន់ខាងកើត ហើយឥឡូវនេះមានតែប្រទេសជប៉ុន និងកម្ពុជាប៉ុណ្ណោះដែលនៅសល់ក្នុងពូល K បន្ទាប់ពីការដកខ្លួនរបស់ U23កូរ៉េខាងជើង។
ដូច្នេះដើម្បីរក្សាតុល្យភាពនៃចំនួនក្រុមនៅទូទាំងពូលទាំងអស់ AFC នឹងធ្វើការចាប់ឆ្នោតជាថ្មី ដោយយកក្រុមមួយក្នុងពូល G និងពូល J ទៅបង្គ្រប់ក្នុងពូលK ដែលមានកម្ពុជា និងជប៉ុន ខណៈដែលការចាប់ឆ្នោតធ្វើឡើង នៅថ្ងៃពុធទី ១១ ខែសីហា ២០២១ ។
ការចាប់ឆ្នោតនឹងមានមួយពូលដែលមានក្រុមទាំងអស់ពីក្រុម G ដល់ J លើកលែងតែក្រុមដែលស្ថិតនៅក្នុងក្រុមទី ១ នៃក្រុមនីមួយៗនិងក្រុមម្ចាស់ផ្ទះ ដើម្បីកុំឱ្យប៉ះពាល់ដល់តុល្យភាពក្រុម និងការរៀបចំការប្រកួតដែលមានរួចហើយបន្ទាប់ពីការចាប់ឆ្នោតនៅថ្ងៃ០៩ ខែកក្កដា ឆ្នាំ ២០២១ ។
អាស្រ័យហេតុនេះ នឹងមានក្រុមទាំង ៨ នឹងត្រូវចូលរួមក្នុងការចាប់ឆ្នោតសាថ្មីនេះ ដុចជា៖
ពូល G៖ មានចិន PR និងប្រ៊ុយណេដារូសាឡឹម
ពូល H៖ ទីម័រខាងកើត និងហ្វីលីពីន
ពូល I៖ មីយ៉ាន់ម៉ានិងហុងកុង
និងពូល J៖ ម៉ាឡេស៊ីនិងឡាវ
ក្រុមឈរទីមួយដែលត្រូវបានដកចេញនឹងត្រូវផ្លាស់ទៅទីតាំងលេខ ១ ក្នុងពូល K ដើម្បីជំនួសប្រទេសកូរ៉េខាងជើង។ ជាលទ្ធផលក្រុម K នឹងមាន ៣ ក្រុមហើយមួយក្រុមពី G ទៅ J នឹងត្រូវកាត់បន្ថយពី ៤ ទៅ ៣ ក្រុមវិញ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
