ដឹងអ្នកដែលត្រូវស្នងអាវលេខ ៥ របស់ Varane នៅ Real Madrid ហើយ
ក្រោយ Sergio Ramos និង Raphael Varane បានចាកចេញពីក្លឹប Real Madrid ក៏នាំឲ្យលេខអាវនៅក្លឹបមានទំនេរពីរលេខ ដូចជាលេខ ៤ និងលេខ ៥។ យ៉ាងណាលេខ ៤ របស់ Ramos ក៏ផ្ទេរទៅឲ្យ David Alaba ដែលជាចំណូលថ្មីហើយ ស្របពេលលេខ ៥ បើតាមដំណឹងក៏បានរកឃើញម្ចាស់ថ្មីជាបណ្តើរៗហើយដែរ។
សម្រាប់ក្លឹប Real Madrid រឿងលេខអាវរដូវកាលថ្មី មិនទាន់សម្រេចជាផ្លូវការ សម្រាប់សមាជិកនៃក្រុមទាំងអស់នៅឡើយ គ្រាន់ថាក្លឹបចង់ជម្រុះឲ្យប្រើត្រឹមពីលេខ ១ ដល់ ២៥ ខុសពីបច្ចុប្បន្នមានដល់លេខ ២៧។ ទន្ទឹមនឹងការវិលត្រលប់របស់កីឡាករខ្ចីជើង ដូចជា Jesus Vallejo, Dani Ceballos, Martin Odegaard, Gareth Bale, Luka Jovic និង Take Kubo ក៏នាំឲ្យក្លឹបត្រូវរៀបចំលេខអាវសារថ្មីសម្រាប់ពួកគេ។
យ៉ាងណាលេខ ៥ របស់ Varane តាមប្រភពគួរឲ្យទុកចិត្ត ចុះផ្សាយថា នឹងប្រគល់ទៅឲ្យ Casemiro ដែលបច្ចុប្បន្នប្រើប្រាស់លេខ ១៤។ បញ្ជាក់ថាលេខ ៥ ធ្លាប់ជាលេខនៅលើអាវវីរបុរសលោក Fernando Redondo និង Zinedine Zidane។
ចំណែកឯ Gareth Bale អាវលេខ ១១ របស់គេ បានធ្លាក់ទៅ Marco Asensio បាត់ទៅហើយ ពេលគេខ្ចីជើងទៅលេងឲ្យ Spurs។ ដូច្នេះការត្រលប់មកវិញសារនេះ ជម្រើសអាវលេខល្អៗសល់តែលេខ ១៦, ១៨, ២១ ឬអាវលេខ ១៤ ប្រសិន Casemiro ជ្រើសរើសយកអាវលេខ ៤ បន្តពី Varane៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
