មកស្គាល់យុវជនម្នាក់មិនព្រមចុះកុងត្រាអាជីពជាមួយ Liverpool សុខចិត្តមកលេងនៅក្នុងឈុតយុវជនរបស់ Man Utd ដោយគ្មានតម្លៃខ្លួន
Man United បានចុះហត្ថលេខាលើខ្សែបម្រើវ័យក្មេង Ethan Ennis ក្នុងលក្ខខ័ណ្ដគ្មានតម្លៃខ្លួន បន្ទាប់ពីគាត់មិនទទួលយកកិច្ចព្រមព្រៀងជាកុងត្រាអាជីពពី Liverpool ។ ថ្មីៗនេះ កីឡាករវ័យ ១៦ ឆ្នាំបានបង្ហោះរូបភាពរបស់គាត់ដែលបានថតនៅ Old Trafford ហើយបើតាមសេចក្តីរាយការណ៍រូបគេបដិសេធសំណើពីក្លិបនៅ Premier League ជាច្រើន ដើម្បីចូលរួមជាមួយ United ។
ជាមួយនឹងការផ្ទេរ និងចុះហត្ថលេខារួចរាល់ អ្នកគាំទ្រជាច្រើននៅលើបណ្តាញសង្គមចង់ដឹងច្បាស់ថាតើកីឡាករវ័យក្មេងរូបនេះជាអ្នកណា។ តោះមកមើលទាំងអស់គ្នា៖
តើគាត់លេងក្នុងតំណែងអ្វី?
Ethan Ennis គឺជាខ្សែបម្រើប្រយុទ្ធពីធម្មជាតិម្នាក់ដែលចូលចិត្តលេងក្នុងតួនាទីលេខ ១០ សម្រាប់ក្រុមរបស់គាត់។ គាត់ចូលចិត្តឈានទៅមុខក្នុងប្រអប់ដើម្បីបង្កើតឱកាស និងរកគ្រាប់បាល់ដែលនេះអ្វីដែលខ្សែប្រយុទ្វ័យក្មេងធចាំបាច់ត្រូវធ្វើដើម្បីអភិវឌ្ឍន៍ខ្លួនជាខ្សែប្រយុទ្ធល្អនាពេលអនាគត។
តើគាត់នឹងមានឈ្មោះលេងក្នុងឈុតធំ?
ចម្លើយដ៏សាមញ្ញប្រហែលជាមិនអាចទេ។ ទោះបីជា Ole Gunnar Solskjaer មានកេរ្តិ៍ឈ្មោះល្បីក្នុងការផ្ដល់ឱកាសឱ្យយុវជនចូលលេងក្នុងក្រុមឈុតធំរបស់គាត់ តែ Ennis នឹងមិនទទួលបានក្នុងរដូវកាលនេះទេ។គាត់ទំនងនឹងចូលលេងក្នុងឈុត U-18 បើស្របតាមវ័យរបស់គាត់ ប៉ុន្តែបើលេងល្អគាត់អាចឡើងទៅឈុត U23 បានទៀតផង។
ស្ថិតិរបស់ Ethan Ennis
Ennis បានដើរតួយ៉ាងសំខាន់នៅក្នុងឈុតយុវជនរបស់ហង្សក្រហម Liverpool អាយុ ១៨ ឆ្នាំ ឆ្ពោះទៅរកការប្រកួត FA Youth Cup វគ្គផ្តាច់ព្រ័ត្រកាលពីរដូវកាលមុន ដោយរកបាន ៥ គ្រាប់ក្នុងការបង្ហាញខ្លួន ៨ លើក។ គាត់ថែមទាំងបានស៊ុតបាល់បញ្ចូលទី និងបង្ហាញទម្រង់លេងដ៏ល្អដែលធ្វើឱ្យមនុស្សជាច្រើនចាប់អារម្មណ៍។
គាត់ក៏រកបាន ២ គ្រាប់និងបញ្ជូនបាល់បានមួយលើកក្នុងលីគ U18 Premier League ឱ្យ Liverrpool កាលពីរដូវកាលមុន។ Ennis មានឈ្មោះជាខ្សែបម្រើប្រយុទ្ធដ៏ស្វាហាប់ដែលមានគំនិតច្នៃប្រឌិតខ្ពស់ ហើយដឹងពីរបៀបទម្លុះប្រព័ន្ធការពារដើម្បីបង្កើតឱកាសក្នុងតំបន់ប្រយុទ្ធ។
Ethan Ennis ក៏ខ្លាំងផងដែរសម្រាប់កម្លាំងបើគិតលើអាយុរបស់គាត់ និងមានភាពឆ្លាតវៃលើការគ្រប់គ្រងបាល់ដោយដឹងថាពេលណាត្រូវបញ្ជូនបនាល់ពេលណាត្រូវរក្សាបាល់ និងបោះបាល់ឆ្លងកាត់។ គាត់មានចលនាបម្លាស់ទីសមរម្យជាមួយនឹងបាល់ ហើយសំខាន់ជាងនេះការបញ្ចប់ទីរបស់គាត់ពិតជាល្អគួរឱ្យចាប់អារម្មណ៍។
ហង្សក្រហម Liverpool សង្ឃឹមថាផ្តល់ឱ្យគាត់នូវកុងត្រាអាជីពពេញលេញមួយ ប៉ុន្តែគាត់បានបដិសេធ ហើយចូលរួមជាមួយក្រុមយុវជនរបស់ United ខណៈដែលគាត់សង្ឃឹមថានឹងទទួលបានឱកាសលឿនក្នុងការឡើងមកលេងនៅ Old Trafford ក្នុងក្រុមឈុតធំ៕
ប្រភព៖ Tribuna.com
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
