ប្រាក់ពលកម្មរបស់ Varane នៅក្លឹប Man Utd ស្មើនឹងម្នាក់នេះ តែចាញ់មិត្តរួមក្រុម ៦ រូប
Raphael Varane បានព្រមព្រៀងផ្ទេរមកក្លឹបបិសាចក្រហម Manchetser United ជាផ្លូវការហើយនៅតម្លៃផ្ទេរ ៥០ លានអឺរ៉ូ លើសុពលភាពកុងត្រាដល់ចុងខែមិថុនា ឆ្នាំ ២០២៦។ ចុះអ្នកដឹងទេថា កីឡាករបារាំងអាចទទួលបានតម្លៃពលកម្មប៉ុន្មាននៅ Old Trafford?
បើតាមសារព័ត៌មាន L'Equipe បានចុះផ្សាយថា Varane អាចទទួលបានតម្លៃពលកម្មក្រាស់ក្រែលដែរ ដោយស្មើនឹងកម្រិតរបស់ប្រធានក្រុម Harry Maguire។ នោះគឺមួយសប្តាហ៍បានដល់ទៅ ១៩០ ០០០ ហើយនៅទាបជាងមិត្តរួមក្រុម ៦ រូប ដូចជា Rashford បាន ២០០ ០០០ ផោន, Cavani បាន ២១០ ០០០ ផោន Martial បាន ២៥០ ០០០ ផោន, Pogba បាន ២៩០ ០០០ ផោន, Sancho បាន ៣៥០ ០០០ ផោន និង De Gea បាន ៣៧៥ ០០០ ផោន។
ទំហំប្រាក់ពលកម្មនេះ បើធៀបនឹងកាលលេងនៅអធិរាជស គឺឃើញថាប្រហាក់ប្រហែលគ្នា គ្រាន់ថាតម្លៃអាចនឹងធ្លាក់ចុះជាងមុន ៣០-៥០ ភាគរយ ក្រោយក្លឹបប្រកាសកាត់បន្ថយថ្លៃពលកម្ម ក្នុងកំឡុងពេលវិបត្តិសេដ្ឋកិច្ចដោយសារជំងឺរាតត្បាត COVID-19។ យ៉ាងណានៅបិសាចក្រហម មិនទាន់មានដំណឹងថាកាត់បន្ថយអ្វីនោះឡើយ។
បញ្ជាក់ថា Varane បានចាយពេលនៅក្លឹប Real Madrid តាំងពីឆ្នាំ ២០១១ ហើយឆ្លងកាត់ ៣៦០ ប្រកួត រកបាន ១៧ គ្រាប់និង Assist ៧ លើក។ គេក៏ជាប់ឈ្មោះជាកីឡាករឈ្នះពានច្រើនបំផុតផងដែរ បន្ទាប់ពី Marcelo ដែលនៅបន្តឈរជើងជាមួយអធិរាជសនិងជាប្រធានក្រុមថ្មីបន្ទាប់ពី Ramos៕
ប្រភព៖ TheSun
ព័ត៌មានថ្មីៗ
