ប្រាក់ពលកម្មរបស់ Varane នៅក្លឹប Man Utd ស្មើនឹងម្នាក់នេះ តែចាញ់មិត្តរួមក្រុម ៦ រូប
Raphael Varane បានព្រមព្រៀងផ្ទេរមកក្លឹបបិសាចក្រហម Manchetser United ជាផ្លូវការហើយនៅតម្លៃផ្ទេរ ៥០ លានអឺរ៉ូ លើសុពលភាពកុងត្រាដល់ចុងខែមិថុនា ឆ្នាំ ២០២៦។ ចុះអ្នកដឹងទេថា កីឡាករបារាំងអាចទទួលបានតម្លៃពលកម្មប៉ុន្មាននៅ Old Trafford?
ទំហំប្រាក់ពលកម្មនេះ បើធៀបនឹងកាលលេងនៅអធិរាជស គឺឃើញថាប្រហាក់ប្រហែលគ្នា គ្រាន់ថាតម្លៃអាចនឹងធ្លាក់ចុះជាងមុន ៣០-៥០ ភាគរយ ក្រោយក្លឹបប្រកាសកាត់បន្ថយថ្លៃពលកម្ម ក្នុងកំឡុងពេលវិបត្តិសេដ្ឋកិច្ចដោយសារជំងឺរាតត្បាត COVID-19។ យ៉ាងណានៅបិសាចក្រហម មិនទាន់មានដំណឹងថាកាត់បន្ថយអ្វីនោះឡើយ។
បញ្ជាក់ថា Varane បានចាយពេលនៅក្លឹប Real Madrid តាំងពីឆ្នាំ ២០១១ ហើយឆ្លងកាត់ ៣៦០ ប្រកួត រកបាន ១៧ គ្រាប់និង Assist ៧ លើក។ គេក៏ជាប់ឈ្មោះជាកីឡាករឈ្នះពានច្រើនបំផុតផងដែរ បន្ទាប់ពី Marcelo ដែលនៅបន្តឈរជើងជាមួយអធិរាជសនិងជាប្រធានក្រុមថ្មីបន្ទាប់ពី Ramos៕
ប្រភព៖ TheSun
ព័ត៌មានថ្មីៗ
