Paul Merson ប្រាប់ឲ្យ Spurs យកកូនចចករូបនេះ បើ Kane ចាកចេញ
អតីតវីរបុរសនៅក្លឹប Arsenal លោក Paul Merson បានបង្ហាញការយល់ឃើញថា ក្លឹបមាន់ខ្នាយមាស Tottenham Hotspur គួរតែលៃលកយកកីឡាករកំពូលរបស់ក្លឹបចចក Wolves នោះគឺ Raul Jimenez ប្រសិនណា Harry Kane គេពិតជាត្រូវចាកចេញនៅរដូវក្តៅនេះ។
បញ្ជាក់ថា Kane មានចចាមអារ៉ាមចង់ផ្ទេរទៅ Manchester City ហើយការចរចាកំពុងបន្តដំណើរការ ស្របពេលដែលតម្លៃពលកម្មគឺនិយាយគ្នាត្រូវរ៉ូវអស់ហើយ ដោយផ្តល់ឲ្យ ៤០០ ០០០ ផោន/សប្តាហ៍ទៅកាន់កីឡាករអង់គ្លេស។
ទៅមើល Jimenez ដែលជាកីឡាករលេងឲ្យជម្រើសជាតិមិកស៊ីកូ ជាមួយការលេងឲ្យក្លឹប Wolves គេរកបាន ៣១ គ្រាប់ នៅការបង្ហាញខ្លួនសរុប ៦៦ ប្រកួតនៅ ៣ រដូវកាលចុងក្រោយ។
តាមការបញ្ជាក់របស់ Merson ប្រាប់ទៅ Sportskeeda និយាយ៖ "ខ្ញុំបានតាមឃ្លាំមើល Raul Jimenez របស់ Wolves មួយរយៈមកហើយ ដោយខ្ញុំពិតជាភ្ញាក់ផ្អើលការដែលក្លឹបធំៗទាំង ៦ នៅអង់គ្លេសមិនមើលឃើញសមត្ថភាពរបស់គេ ដោយ Jimenez ពិតជាបានចូលរួមចំណែកជួយទាញ Wolves ឲ្យឈរចំណាត់ថ្នាក់ល្អក្នុងតារាង"។
លោកបន្ថែម៖ "ទន្ទឹមនឹងលោក Santo [អតីតគ្រូ Wolves] កំពុងមានឥទ្ធិពលនៅ Spurs ពេលនេះ ដូច្នេះគេអាចមកជំនួស Harry Kane បាន ដោយខ្សែប្រយុទ្ធកណ្តាលដូចជា Jimenez មានការជំនួយពីប្រយុទ្ធស្លាប Heung-min Son ផង នោះប្រាកដជាអាចរុញឲ្យគេក្លាយជាកីឡាករល្អបំផុតមួយនៅ Premier League ជាក់ជាមិនខាន"៕
ប្រភព៖ Metro
ព័ត៌មានថ្មីៗ
