Man Utd ចាំបាច់ត្រូវលក់ Pogba និង Lingard បើចង់ទិញកីឡាករថ្មីបន្ថែមទៀត
សារព័ត៌មាន The Telegraph បានឱ្យដឹងថាក្រុមបិសាចក្រហម Manchester United នឹងត្រូវលក់ទាំង Paul Pogba ឬ Jesse Lingard ដើម្បីយកលុយចុះកុងត្រាកីឡាករថ្មីបន្ថែមទៀត។
បិសាចក្រហមបានបញ្ជាក់រួចហើយអំពីការចុះហត្ថលេខា Jadon Sancho ពី Borussia Dortmund ហើយ Raphael Varane នឹងប្រកាសក្នុងពេលឆាប់ៗនេះបន្ទាប់ពីពិភាក្សាដោយជោគជ័យជាមួយ Real Madrid កាលពីម្សិលមិញ។
ក្រុមបិសាចក្រហមបានចាយលុយប្រហែល ១២០ លានអឺរ៉ូ (ប្រហាក់ប្រហែល១០០លានផោន) លើកីឡាករមួយគូនេះ ប៉ុន្តែគោលដៅរបស់ក្លិបបិសាចក្រហមគឺត្រូវចំណាយចន្លោះពី ៧៥ លានទៅ ១០០ ផោនទៀតនៅរដូវក្តៅនេះ។
ដូច្នេះហើយក្រុមបិសាចក្រហមត្រូវលក់ទាំង Pogba និង Lingard ដើម្បីយកថវិកាសម្រាប់ការចុះហត្ថលេខាលើខ្សែបម្រើម្នាក់ទៀត ឬ Kieran Trippier ដែលនៅតែមានទំនាក់ទំនងយ៉ាងខ្លាំងជាមួយនឹងការផ្លាស់ប្តូរទៅកាន់ក្លិប Manchester ពីក្លិប Atletico Madrid ។
ទាំង Pogba និង Lingard អស់កុងត្រានៅឆ្នាំ ២០២២ ហើយឥឡូវមានតម្លៃប្រហែល ៥០ លានផោននិង ៣០ លានផោនរៀងៗខ្លួន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
