Eto’o ផ្តល់ចម្លើយយ៉ាងភ្ញាក់ផ្អើល ក្រោយគេសួរថាមានអារម្មណ៍បែបម៉េចពេលលេងជាមួយ Messi
Samuel Eto'o ក៏ស្ថិតក្នុងសម័យកាលរួមគ្នាជាមួយ Lionel Messi នាមជាមិត្តរួមក្រុមបានប៉ុន្មានឆ្នាំផងដែរ មុនផ្ទេរទៅលេងឲ្យ Inter Milan នៅឆ្នាំ ២០០៩។ កំឡុងការចាយពេលជាង ៥ ឆ្នាំនៅអ្នកមានបុណ្យកីឡាករកាមេរ៉ូនរកបាន ៦៧ គ្រាប់នៅការបង្ហាញខ្លួន ១៥៥ ប្រកួត។
យ៉ាងណាថ្មីៗនេះ អ្នកកាសែតបានសួរសំណួរមួយថា តើ Eto'o មានអារម្មណ៍បែបណាពេលបានលេងជាមួយ Messi? សំណួរនេះ សម្រាប់បុរសវ័យ ៤០ ឆ្នាំបានឆ្លើយថា គួរតែសួរថា Messi ទទួលបានមេរៀនអ្វីខ្លះពីលោក មិនមែនលោកទៅរំភើបអ្វីនោះទេពេលបានលេងជាមួយ Messi កាលនោះ។
លោកនិយាយ៖ "អត់ទេ សម័យកាលហ្នឹងគួរថាគេលេងជាមួយខ្ញុំ [រៀនសូត្រពីខ្ញុំ] វាខុសពីពេលនេះ ដោយខ្ញុំមិនបានលេងជាមួយគេទេ [រៀនសូត្រពីគេទេ] នៅសម័យកាលរបស់ខ្ញុំគឺ Messi ខុសពីពេលនេះឆ្ងាយណាស់"។
រំឭកថាយ៉ាងណា Eto'o ក៏ធ្លាប់បង្ហាញការកោតសរសើរដល់ M10 កាលពីអតីតកាលផងដែរ ជាក់ស្តែងដូចនៅឆ្នាំ ២០១៨ លោកនិយាយ៖ "Leo សម្រាប់ពួកយើងគឺតែងតែជាកីឡាករល្អបំផុតក្នុងលោក ដោយមនុស្សមួយចំនួនគេជ្រើសរើសកីឡាករ ៣ រូបដែលធ្វើបានល្អកំឡុងពេលនេះ តែសម្រាប់ខ្ញុំមិនអាចផ្លាស់ប្តូរការយល់ឃើញបានឡើយថា Leo ជាកីឡាករល្អបំផុតគ្រប់ពេលវេលា"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
