Ronaldinho ប្រាប់ឲ្យ Barcelona ធ្វើរឿងពិសេសនេះ បើ Messi បន្តនៅដល់ចូលនិវត្ត
អនាគតរបស់ Lionel Messi ជាមួយក្លឹប Barcelona ហាក់មិនទាន់ប្រាកដប្រជានោះទេ ព្រោះពេលនេះគេមិនទាន់សម្រេចការបន្តកុងត្រាថ្មីនៅឡើយ ពោលកំពុងឈរជើងជាកីឡាករទំនេរលើទីផ្សារដោះដូរ។
យ៉ាងណាគេជឿថា គ្មានក្លឹបណាហ៊ានចរចាយក M10 ក្រៅតែពី Barcelona នោះទេ គ្រាន់ថាពេលនេះត្រូវការពេលបន្តិចសិន ដើម្បីដោះស្រាយរឿងមួយចំនួន។ ទៅមើលការយល់ឃើញរបស់លោក Ronaldinho ជាអតីតកីឡាករនៅ Camp Nou បានលើកឡើថា Messi គួរតែបន្តនៅ ហើយ Barcelona ត្រូវហាលអាវលេខ ១០ របស់គេទុកជារៀងរហូត ក្រោយពេលចូលនិវត្ត។
ប្រាប់ TuttoMercato លោក Ronaldinho ដែលទើបតែមកចូលរួមការប្រកួតកន្លងមកនិយាយ៖ "Messi ត្រូវតែបន្តនៅ ហើយពេលគេចូលនិវត្ត ខ្ញុំសង្ឃឹមថានឹងយូរទៅមុខទៀត តែពេលគេទៅ គឺអាវលេខ ១០ ត្រូវតែមិនមាននរណាអាចពាក់វាជាថ្មីម្តងទៀតនោះទេ"។
គួរបញ្ជាក់ថា កីឡាករអាហ្សង់ទីនបានចាយពេលសឹងតែមួយអាជីពរបស់ខ្លួននៅ Barcelona ដោយសរុបការបង្ហាញខ្លួន ៧៧៨ ប្រកួត គេរកបាន ៦៧២ គ្រាប់និង Assist ៣០៥ លើក។ Messi បានលើកពានមិនក្រោម ៣០ ឡើយនៅ Barcelona៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
