Fabrizio Romano ថាមូលហេតុនេះហើយដែល Varane ចង់មក Man Utd
កំពូលអ្នកជំនាញ់ដឹងរឿងដោះដូរកីឡាករ លោក Fabrizio Romanoបានទម្លាយថា Raphael Varane ចង់ចូលរួមជាមួយ Man United ដោយសារតែមានក្តីសង្ឃឹមក្នុងការលេងក្រោមប្រព័ន្ធដឹកនាំរបស់ Ole Gunnar Solskjaer ។
ប្រភពដែលបន្តថាមូលហេតុមួយទៀតគឺ បិសាចក្រហមគឺជាក្លឹបតែមួយគត់ដែលគាត់ចង់ចូលរួមនៅរដូវក្តៅនេះ ហើយការរំពឹងថាការទទួលបានឱកាសលេងនៅ Premier League គឺជាមូលហេតុមួយទៀត។
Varane ធ្លាប់សរសើរបិសាចក្រហម Man Utd ជាយូរយារណាស់មកហើយ និងចង់ចាប់យកការប្រកួតប្រជែងថ្មីមួយនៅក្នុងអាជីពរបស់គាត់ បន្ទាប់ពីចំណាយពេលជិតមួយទសវត្សរ៍នៅឯក្លិប Real Madrid ។
លោក Romano បានសរសេរឃ្លាប្រចាំត្រកូលរបស់គាត់ គឺ Here we go! ដែលសម្ដៅទៅលើការពិភាក្សាកុងត្រានេះថា កិច្ចព្រមព្រៀងខិតជិតរួចរាល់អស់ហើយ។ កីឡាករសញ្ជាតិបារាំងរូបនេះនឹងក្លាយជាកីឡាករថ្មីនាំចូលទី ៣ របស់ក្រុមបិសាចក្រហមនៅរដូវក្តៅនេះ នៅពេលក្លិបបញ្ជាកជាផ្លូវការ ហើយគាត់ទំនងជានឹងចាប់ដៃគូជាមួយ Harry Maguire ក្នុងតំបន់ការពារកណ្ដាលនៅរដូវកាលក្រោយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
