O’Hara៖ “ទោះមាន Sancho ក៏តំបន់ប្រយុទ្ធ United នៅអន់ជាងក្រុមមិនបានលេង UEL នេះដែរ”
បើតាមការយល់ឃើញរបស់លោក Jamie O'Hara បានឲ្យដឹងថា តំបន់ប្រយុទ្ធរបស់ក្លឹបបិសាចក្រហម Man Utd គឺឈរនៅចំណាត់ថ្នាក់ទី ៤ ឯណោះទេ ឈ្មោះជាតំបន់ប្រយុទ្ធដ៏ល្អបំផុតប្រចាំក្របខ័ណ្ឌ Premier League។
សារនេះលើកឡើង ក្រោយពេល Jadaon Sancho ទើបតែសម្រេចការផ្ទេរមក Old Trafford ហើយត្រៀមនឹងបង្ហាញខ្លួនលើទីលាន ជាមួយអាវលេខ ២៦ នៅតំណែងស្លាបប្រយុទ្ធខាងស្តាំ។
និយាយលើប៉ុស្តិ៍ talkSPORT អតីតខ្សែប្រយុទ្ធសញ្ជាតិអង់គ្លេសនិយាយ៖ "Liverpool គឺជាក្រុមដែលមានប្រព័ន្ធប្រយុទ្ធជួរមុខទាំង ៣ ល្អដាច់គេនៅ Premier League ដែលមាន Sadio Mane, Roberto Firmino និង Mohamed Salah ហើយវាមិនសំខាន់នៅអ្វីដែលជាលទ្ធផលបង្ហាញចេញមករដូវកាលមុនទេ តែសំខាន់លើទេពកោសល្យ និងអ្វីដែលពួកគេអាចបញ្ចេញមកពេលក្រុមទាំងមូលស្ថិតនៅកម្រិតកំពូល"។
លោកបន្ថែមទៀតថា៖ "បន្ទាប់មកគឺ Man City ប្រសិនពួកគេដាក់ Phil Foden, Riyad Mahrez និង Kevin de Bruyne លេង False Nine គឺដឹងតែល្អជាង Man Utd ទៀតហើយ រីឯក្នុងការយល់ឃើញរបស់ខ្ញុំ ក៏គិតដែរ ៣ រូបខាងមុខរបស់ Spurs ល្អជាងបិសាចក្រហម និយាយទៅ Son ល្អជាង Rashford, Kane ល្អជាង Cavani និង Moura ល្អជាង Sancho"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
