(វីដេអូ) ខ្លាំងដូចគេថាមែន! Achraf Hakimi រកបានគ្រាប់បាល់ដំបូងឲ្យក្លឹប PSG ហើយ
នៅការប្រកួតមិត្តភាពនារយៈពេលចុងក្រោយ ក្លឹបបារាំង Paris Saint-Germain បានផ្តោតលើការប្រើប្រាស់ខ្សែការពារស្លាបចំណូលថ្មី Achraf Hakimi យ៉ាងសកម្ម ហើយមុននេះគេក៏ទើបតែសម្រេចបានមួយគ្រាប់ជូនក្លឹបផងដែរ។
ការប្រកួតមិត្តភាពរវាងក្លឹប PSG និង US Orleans បានបញ្ចប់ទៅក្រោមលទ្ធផល ១-០ ដែលវាជាគ្រាប់បាល់របស់ Hakimi នៅនាទី ៦២ តាមរយៈការស៊ុតចេញពីស្លាបខាងស្តាំ។ វត្តមានកីឡាករសំខាន់ៗដែលបង្ហាញខ្លួននៅប្រកួតមិត្តភាពនេះ មានដូចជា Icardi, Simons, Draxler, Kehrer, Alloh និងកីឡាករបម្រុងដែលបានចូលលេងបន្តគ្នានោះមាន Navas, Hakimi, Kurzawa, Herrera, Diallo និង Gueye ហើយសល់ប៉ុន្មានសុទ្ធតែជាកីឡាករនៅឈុតយុវជនរបស់ PSG។
ទស្សនាវីដេអូខាងក្រោម៖
គួរបញ្ជាក់ថា ប្រកួតបន្ទាប់របស់ក្លឹបបារាំង Paris Saint-Germain នឹងត្រូវទៅប៉ះគ្នាទល់ Sevilla ដែលជាប្រកួតមិត្តភាពចុងក្រោយ។ មុនឈានទៅប្រកួតសំខាន់នៅពានរង្វាន់ Trophees des Champions ទល់ក្លឹប Lille នាថ្ងៃទី ២ សីហាខាងមុខ៕
ព័ត៌មានថ្មីៗ
