ផ្លូវការ៖ លោក Ole បន្តកុងត្រាជាមួយ Manchester United ដល់ឆ្នាំ២០២៤
លោក Ole Gunnar Solskjaer បានចុះកុងត្រាថ្មីជាមួយក្លិបបិសាចក្រហម Manchester United ដែលកុងត្រានឹងឱ្យគាត់បន្តដឹកនាំក្លឹបរហូតដល់ឆ្នាំ ២០២៤ ជាមួយនឹងជម្រើសបន្តមួយឆ្នាំទៀត។
កិច្ចព្រមព្រៀងនេះនឹងធ្វើឲ្យលោកទទួលបានប្រាក់ឈ្នួល ២៥លានសម្រាប់កុងត្រាថ្មីនេះ ខណៈដែលលោកបានចំណាយលុយជាង ៣៦០លានផោនលើការចុះកុងត្រាកីឡាករថ្មី។
លោក Ole Gunnar Solskjaer បានមានប្រសាសន៍ក្នុងវេបសាយផ្លុវការជាមួយក្លិបថា៖” អ្នករាល់គ្នាដឹងពីអារម្មណ៍ដែលខ្ញុំមានចំពោះក្លិបនេះ ហើយខ្ញុំរីករាយដែលបានចុះកុងត្រាថ្មីនេះ។ វាគឺជាពេលវេលាដ៏រំភើបសម្រាប់ក្រុមបិសាចក្រហម។ យើងបានបង្កើតក្រុមដែលមានតុល្យភាពល្អ នៃយុវជន និងកីឡាករដែលមានបទពិសោធន៍ដែលស្រេកឃ្លានភាពជោគជ័យ”។
“ខ្ញុំមានក្រុមគ្រូបង្វឹកដ៏អស្ចារ្យនៅជុំវិញខ្លួនខ្ញុំ ហើយយើងបានត្រៀមខ្លួនរួចជាស្រេច ដើម្បីបោះជំហានទៅមុខលើដំណើររបស់យើង។ ក្រុម Manchester United ចង់ឈ្នះពានរង្វាន់ធំបំផុត និងល្អបំផុត ហើយនោះជាអ្វីដែលយើងកំពុងព្យាយាម។ យើងបានធ្វើឱ្យប្រសើរឡើងទាំងនៅក្នុង និងក្រៅទីលានហើយនោះនឹងបន្តនៅរដូវកាលខាងមុខនេះ។ ខ្ញុំមិនអាចរង់ចាំក្នុងការធ្វើការ និងចាប់ផ្តើមយុទ្ធនាការនេះបានទេ»៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
