បឹងកេតឈ្នះកងយោធិពលខេមរភូមិន្ទ!ចាន់ វឌ្ឍនាកាបន្តរកបានគ្រាប់បាល់
ក្រុមបឹងកេតបន្តរកបានជ័យជម្នះរបស់ខ្លួនក្នុងពានរង្វាន់ Metfone Cambodian League 2021 បន្ទាប់ពីយកឈ្នះក្រុមកងយោធិពលខេមរៈភូមិន្ទក្នុងលទ្ធផល២ទល់០ក្នុងការប្រកួតនៅសប្ដាហ៍ទី៩ដែលទើបបញ្ចប់នៅមុននេះបន្តិច។
២គ្រាប់របស់ក្រុមលោក គឹម ភក្ដីរកបានដោយខ្សែប្រយុទ្ធឆ្នើមប្រចាំក្លិប ចាន់ វឌ្ឍនាកាទាំង២គ្រាប់នៅវគ្គទី២។ គ្រាប់ទីមួយស៊ុតបញ្ចូលទីនៅនាទី ៦៩ និងគ្រាប់ទី២រកបាននៅនាទី៨២។ លទ្ធផលនេះ! បឹងកេតបន្តរកបាន៣ពិន្ទុក្នុងកីឡដ្ឋាន ខេមបូឌៀ អ៊ែវ៉េ ធ្វើឱ្យពួកគរបានពិន្ទុសរុប១៥ពិន្ទុបន្តដេញយកចំណាត់ថ្នាក់ល្អឡើងវិញ។
លទ្ធផលការប្រកួតដទៃទៀតគឺ ព្រះខ័នរាជស្វាយរៀងយកឈ្នះខេត្តព្រៃវែងក្នុងលទ្ធផល ២ទល់១ នៅទីលានបាល់ទាត់ខេត្តព្រៃវែង ខណៈដែលក្លិបវិសាខាសំពងក្រុមបាត់តារាងសូលទីឡូអង្គរដល់ទៅ៥ទល់០។
ការប្រកួតនៅថ្ងៃនេះនៅសល់មួយគូទៀតដោយភ្នំពេញក្រោនប៉ះអគ្គិសនីកម្ពុជានៅកីឡដ្ឋាន ស្មាត អ អេសអិន។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
