រដ្ឋអាជ្ញាព័រទុយហ្កាល់ស៊ើបអង្កេតលើដំណើការផ្ទេររបស់ Eder Militaoពីក្លិប FC Porto ទៅ Real Madrid
បន្ទាប់ពីមានបណ្តឹងពីជនអនាមិក(មិនបង្ហាញឈ្មោះ)ទាក់ទងនឹងថ្លៃឈ្នួលផ្ទេររបស់ Eder Militao ដែលត្រូវបានប្រើដើម្បីបង់ថ្លៃកីឡាករ និងអាជ្ញាកណ្តាលនៅក្នុងប្រទេសប្រេស៊ីលនោះ ពេលនេះព្រះរាជអាជ្ញាព័រទុយហ្កាល់ស៊ើបអង្កេតការផ្ទេរនេះហើយ។
រដ្ឋអាជ្ញានឹងធ្វើការស៊ើបអង្កេតលើការផ្ទេររបស់ Militao ពីក្លិប Sao Paulo ទៅកាន់ Porto ដែលធ្វើឱ្យក្លិបព័រទុយហ្កាល់ចំណាយលុយ ៨.៥ លានអឺរ៉ូលើតម្លៃខ្លួន។
ក្រុមមេធាវីនិងរដ្ឋអាជ្ញាព័រទុយហ្គាល់ក៏នឹងស៊ើបអង្កេតពីការផ្ទេររបស់ Eder Militao ពីក្លិប FC Porto ទៅកាន់ Real Madrid ក្នុងតម្លៃ៥០លានអឺរ៉ូក្នុងឆ្នាំ ២០១៩ផងដែរ ។ ភ្នាក់ងារពីរគឺលោក Giuliano Bertolucci និងលោក Bruno Macedo ដែលពាក់ព័ន្ធនឹងការផ្ទេររបស់ Militao ទៅកាន់ក្លិប Real Madrid ត្រូវបានចាប់ខ្លួននៅក្នុងរឿងអាស្រូវដែលនាំឱ្យមានការលាលែងពីតំណែងរបស់ប្រធានាមក្លិប FC Benfica លោក Luis Filipe Vieira កាលពីម្សិលមិញផងដែរ។
ខ្សែការពារវ័យ ២៣ ឆ្នាំរូបនេះ និង Real Madrid មិនជាប់ពាក់ព័ន្ធចោទប្រកាន់នៅក្នុងបញ្ហានេះទេ ព្រោះថា Los Blancos បានធ្វើអ្វីគ្រប់យ៉ាងតាមច្បាប់និងដំណើការនៃការផ្ទេរកីឡាករ៕
ប្រភព៖ Marca
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
