Man Utd តែងតាំងគ្រូជំនួយម្នាក់ ដើម្បីបន្ថែមលើជំនាញបាល់ Set-Piece ដល់ក្រុមមុនរដូវកាលថ្មីមកដល់
Man United បានតែងតាំងលោក Eric Ramsay ធ្វើជាគ្រូបង្វឹក(គ្រូជំនួយ)សម្រាប់ឈុតថ្មីរបស់ពួកគេមុនរដូវកាល ២០២១/២២ចូលមកដល់ ។
យោងតាមគេហទំព័រផ្លូវការរបស់ក្លិប អតីតគ្រូបង្វឹកយុវជន u23ក្លិបតោខៀវ Chelsea រូបនេះ នឹងទទួលខុសត្រូវក្នុងការធ្វើការជាមួយកីឡាករផ្ទាល់លក្ខខណៈបុគ្គល និងទទួលបន្ទុកក្នុងការបណ្តុះបណ្តាលលើបាល់រៀបចំ(set-pieces)។
លោក Ole Gunnar Solskjaer បានមានប្រសាសន៍អំពីការតែងតាំងគ្រូជំនួយថ្មី ដើម្បីជួយគាំទ្រនិងជ្រោមជ្រែងលោកថាៈ“ យើងមានសំណាងគ្រប់គ្រាន់ក្នុងការបញ្ចុះបញ្ចូលលោក Eric Ramsay ឲ្យមកចូលរួមជាមួយក្លិបល្អបំផុតនៅលើពិភពលោកនិងក្នុងប្រទេសអង់គ្លេស"។
"គាត់គឺជាគ្រូបង្វឹកដែលទទួលបានការវាយតំលៃខ្ពស់ ដែលនឹងត្រូវធ្វើការជាមួយកីឡាករជាលក្ខណៈបុគ្គល និងទទួលបន្ទុកក្នុងការបង្វឹកបាល់រៀបចំផងដែរ។ យើងរំភើបណាស់។ គាត់នៅក្មេង និងមានភាពស្រស់ស្រាយ ហើយមានគំនិតថ្មីៗ ក្នុងនាមជាគ្រូបង្វឹកច្នៃប្រឌិតដែលយើងស្គាល់តាំងពីមុនមក។ Kieran [McKenna] ស្គាល់គាត់ច្បាស់កាលនៅ Loughborough ដូច្នេះយើងពិតជាពេញចិត្តណាស់ចំពោះរឿងនេះ"។
Ramsay គឺជាផ្នែកមួយនៃបុគ្គលិកគ្រូបង្វឹកដែលគ្រប់គ្រងក្រុម U23 Chelsea កាលពីរដូវកាលមុន។ ក្រុមបិសាចក្រហមបានបណ្តោយឱ្យមានគ្រាប់បាល់ស៊ុតបញ្ចូលទីពីបាល់ជ្រុង ឬបាល់ហ្វ្រីឃីកច្រើនកាលពីរដូវកាលមុនហើយ Eric Ramsay នឹងទទួលខុសត្រូវក្នុងការជួយកែលម្អលើចំណុចនេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
