ទីផ្សារដោះដូរកីឡាករជើងទី២ក្នុង MCL ចាប់ផ្ដើមបើកពេលណា?
ទីផ្សារដោះដូរកីឡាករក្នុងពានរង្វាន់ Metfone Cambodian League រដូវកាល២០២១ជើងទី២ ឬអាចនិយាយទីផ្សារដោះកីឡាករពាក់កណ្ដាលរដូវកាល (Cambodian League Transfer Window 2)នឹងចាប់ផ្ដើមបើកនៅប៉ុន្មានថ្ងៃខាងមុខហើយ។
តាមការបញ្ជាក់របស់គណៈកម្មការរៀបចំការប្រកួតបាល់ទាត់កម្ពុជា ថ្ងៃចាប់ផ្ដើមបើកទីផ្សារដោះដូរកីឡាករគឺនៅថ្ងៃទី២១ខែកក្កដាខណៈថ្ងៃបិទបញ្ចប់នៅថ្ងៃទី២០ខែសីហាឆ្នាំ២០២១។ កំឡុងពេលនេះ! ក្លិបនានាក្នុងលីគកំពូលកម្ពុជាអាចធ្វើការដោះដូរកីឡាកររបស់ខ្លួនចំនួន៥នាក់ កីឡាករខ្មែរចំនួន៣នាក់ កីឡាករបរទេសចំនួន២នាក់។
គិតមកដល់ថ្ងៃនេះ ការប្រកួតពានរង្វាន់លីគកំពូលកម្ពុជារដូវកាល២០២១ឈានដល់សប្ដាហ៍ទី៧ហើយខណៈការប្រកួតក្នុងសប្ដាហ៍មួយចំនួនត្រូវលើកពេលដោយសារកូវីដ១៩ហើយធ្វើឱ្យក្លិបដេលពាក់ព័ន្ធត្រូវផ្អាក ដើម្បីធ្វើចត្តាឡីស័ក និងព្យាបាល៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
