UEFA ពន្យល់ពីមូលហេតុ Ronaldo ស្ថិតនៅខាងលើ Schick ក្នុងតារាងស្បែកជើងមាស Euro2020
ទោះបីជាត្រូវបានជ្រុះចេញពីពានរង្វាន់ Euro2020 ក៏ដោយក៏ខ្សែប្រយុទ្ធសាធារណៈរដ្ឋឆែក Patrik Schick អាចធ្វើបានតាមស្មើរនឹងចំនួនគ្រាប់បាល់ស៊ុតបញ្ចូលទី Cristiano Ronaldo ដែលបានជ្រុះចេញពីវគ្គ១៦ក្រុមចុងក្រោយ។
ឥឡូវនេះ Schick និង Ronaldo បានចាកចេញពីព្រឹត្តិការណ៍ Euro ២០២០ ដោយមាន ៥ គ្រាប់ដូចគ្នា ហើយខ្សែប្រយុទ្ធជម្រើសជាតិឆែកស្ថិតក្នុងចំណាត់ថ្នាក់លេខ ២។យោងទៅតាម UEFA មានតែអ្នកឈ្នះស្បែកជើងមាសតែម្នាក់ប៉ុណ្ណោះ ហើយ Ronaldo ឈរកំពូលតារាងនៅចំណុចនេះ ទោះបីកីឡាករទាំងពីររកបានគ្រាប់បាល់ចំនួនដូចគ្នាក៏ដោយ។
Patrik Schick is now the joint top goalscorer at #EURO2020 alongside Cristiano Ronaldo (5).
He’s scored 83% of his sides goals. 💪 pic.twitter.com/efoZVECw4k
— Squawka Football (@Squawka) July 3, 2021
ហើយប្រសិនបើនៅសល់ ២ ជុំទៀតគ្មានកីឡាករណាម្នាក់អាចស៊ុតបញ្ចូលទីបាន៥ ឬលើស គ្រាប់ទេនោះ Ronaldo នឹងក្លាយជាអ្នកឈ្នះស្បែកជើងមាសបើប្រៀបធៀបនឹង Schick។ UEFA បញ្ជាក់ថានីតិវិធីសម្រាប់កំណត់អ្នកឈ្នះស្បែកជើងមាសគិតលើចំនួនគ្រាប់បាល់ច្រើនជាងគេនិងបូកបន្ថែមការបញ្ជូនបាល់ឲ្យមិត្តរយមក្រុម។
Ronaldo អាចរកគ្រាប់បាល់បាន ៥ គ្រាប់ក្នុងនោះ ៣ គ្រាប់ជាបាល់ប៉េណាល់ទី។ គាត់បានបញ្ជូនបាល់ឲ្យ Diogo Jota ស៊ុតបញ្ចូលទីក្នុងជំនួបបរាជ័យ ២-៤ របស់ព័រទុយហ្កាល់ក្រោមដៃអាល្លឺម៉ង់។ Patrick Schick ស៊ុតបញ្ចូលទី៥គ្រាប់មែន ប៉ុន្តែគាត់មិនបានបញ្ជូនបាល់ឲ្យមិត្តរួមក្រុមស៊ុតបញ្ចូលទីនោះទេ។
លើសពីនេះទៀត! ប្រសិនបើកីឡាករមានចំនួនគ្រាប់បាល់ស៊ុតចូល និងចំនួននៃការបញ្ជូនបាល់ស្មើគ្នានោះ UEFA នឹងប្រើនាទីនៃការប្រកួតដើម្បីកំណត់អ្នកឈ្នះ(យកអ្នកលេងតិចនាទីជាងជាអ្នកឈ្នះ)។ ហើយប្រសិនបើ នាទីនេះនៅតែស្មើគ្នាទៀត គ្រាប់បាល់ក្នុងវគ្គជម្រុះតាមពូលត្រូវបានគេរាប់ដែលអមដោយចំនួននៃការបញ្ជូនបាល់(Assist)និងនាទីនៃការប្រកួត(ក្នុងលក្ខខ័ណ្ឌចាំបាច់)។
🔝 EURO 2020 top scorers:
⚽️5⃣ Cristiano Ronaldo 🇵🇹
⚽️5⃣ Patrik Schick 🇨🇿#EURO2020 pic.twitter.com/ovRdAqLYsy
— UEFA EURO 2020 (@EURO2020) July 3, 2021
តែយ៉ាងណាក៏ដោយ! ក៏មានអ្នកគាំទ្រមួយចំនួន ដែលមិនសូវពេញចិត្តនឹងវិធីសាស្ត្រដែលប្រើដោយ UEFA ព្រោះបើយោងទៅតាមពួកគេគិត ស្បែកជើងមាសគឺជារង្វាន់សម្រាប់អ្នករកគ្រាប់បាល់ស៊ុតបញ្ជូលទីដោយផ្ទាល់ ហើយមិនមែនសម្រាប់អ្នកបង្កើតឱកាសរកគ្រាប់បាល់នោះទេ។ ដូច្នេះពួកគេសួរថា ហេតុអ្វីបានជាមិនចែករំលែកស្បែកជើងមាសដូចនៅក្នុង EPL - នៅពេលដែលមានកីឡាករស៊ុតបញ្ចូលទីស្មើគ្នាដូចគ្នា។
បច្ចុប្បន្នមានតែកីឡាករ ៣ នាក់ទេ ដែលមានសក្តានុពលខ្លាំងក្នុងការស៊ុតបញ្ចូលទី ៥ គ្រាប់ ឬលើស។ Raheem Sterling, Harry Kane និង Kasper Dolberg ដែលពួកគេទាំងអស់រកបាន ៥ គ្រាប់។ Lukaku, Benzema និង Fosberg ដែលរកបាន ៤ គ្រាប់សុទ្ធសឹងជាកីឡាករធ្លាក់ទៅវិញអស់ហើយ។
ជាលើកដំបូងបំផុត! អ្នករកគ្រាប់បាល់បានច្រើនជាងគេចំនួន ៥ គ្រាប់គឺនៅក្នុង Euro2000 ដែលពេលនោះ Patrick Kluivertស៊ុតបញ្ចូលទី៥គ្រាប់ស្មើនិងSavo Milosevic៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
