David De Gea របួសពេលហ្វឹកហាត់ខកខានប្រកួតយប់នេះជាមួយក្រូអាត
David De Gea បានរងរបួសក្នុងការហ្វឹកហាត់ ខណៈដែលអេស្ប៉ាញត្រៀមប៉ះក្រូអាតក្នុងការប្រកួតវគ្គ ១៦ ក្រុមចុងក្រោយនៃព្រឹត្តិការណ៍យូរ៉ូ ២០២០នៅយប់នេះ ។
អ្នកចាំទីរបស់ក្រុមបិសាចក្រហមរូបនេះ មិនទាន់បានចូលរួមប្រកួតនៅឡើយទេ ដោយកីឡាករ Unai Simon របស់ក្លឹប Atletico Bilbaoជាអ្នករ៉ាប់រងមុខទី ប៉ុន្តែគាត់មើលទៅហាក់ដូចជាមិនអាចលេងទល់នឹងក្រុមជើងឯករងព្រឹត្តិការណ៍ World Cup ឆ្នាំ ២០១៨នៅយប់នេះឡើយ ។
ទោះបីជាគាត់បានចូលរួមហ្វឹកហាត់នៅកីឡដ្ឋាន Parken ក៏ដោយក៏ De Gea ត្រូវបានបង្ខំឱ្យចាកចេញពីទីលាន កំឡុងពេលធ្វើហាត់សម បន្ទាប់ពីរត់បានប្រហែល ២០ នាទីហើយរបាយការណ៍បង្ហាញថាមានបញ្ហាភ្លៅ។
រូបភាពវីដេអូបានបង្ហាញឱ្យឃើញថាបុរសសញ្ជាតិអេស្ប៉ាញវ័យ ៣០ ឆ្នាំរូបនេះបានត្រឡប់មកបន្ទប់ផ្លាស់សំលៀកបំពាក់វិញដើម្បីទទួលការព្យាបាល។
អ្នកចាំទី Robert Sanchez របស់ Brighton នឹងក្លាយជាអ្នកចាំទីដៃទី២បន្ទាប់ Simon ដែលជាអ្នកចាំទីដៃមួយត្រូវលេងជាមួយក្រូអាតក្នុងការប្រកួតនៅម៉ោង១១និង០០នាទីយប់នេះ។
មានការសន្និដ្ឋានថាវាអាចជារបួសតិចតួចប៉ុណ្ណោះសម្រាប់ David ដែលអាចជាការជម្រុញមួយ ប្រសិនបើអេស្បាញឡើងទៅវគ្គបន្ត ពួកគេនឹងត្រូវជួបជាមួយបារាំងឬស្វីសនៅវគ្គ ៨ ក្រុមចុងក្រោយនៅថ្ងៃសុក្រ។
អ្នកចាំទីម្នាក់ទៀតរបស់ក្រុមបិសាចក្រហមដែលមានវត្តមានក្នុងព្រឹត្តិការណ៍ Euro2020 គឺ Dean Henderson ត្រូវបានបង្ខំឱ្យដកខ្លួនចេញពីក្រុមជម្រើសជាតិអង់គ្លេសដោយសារតែបញ្ហារបួសត្រគាក៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
