លីគទី៣ថៃប្រកាសក្លិប ៧៦ ចូលរួមប្រកួតសម្រាប់រដូវកាល ២០២១/២០២២
យោងតាមសេចក្តីថ្លែងការណ៍ ដែលដកស្រង់ចេញពីគេហទំព័រផ្លូវការរបស់លីគកំពូលថៃ មានក្លិបនិងក្រុមបាល់ទាត់ចំនួន ៧៦ បានដាក់ពាក្យចូលរួមប្រកួតក្នុងលីគទី៣ថៃ រដូវកាល ២០២១/២០២២។
ក្នុងចំណោមទាំងអស់នោះមាន ៥ ក្លិបនៅតែខ្វះខាតឯកសារអាជ្ញាប័ណ្ឌ ហើយចាំបាច់ត្រូវតែបង្គ្រប់ឲ្យពេញលក្ខណៈ។ ក្លិបដែលជាបុត្រសម្ព័ន្ធហ្នឹងគ្នា Samut Sakhon និង Krabi FC មិនទាន់បានបំពេញតាមលក្ខណៈវិនិច្ឆ័យផ្នែកហិរញ្ញវត្ថុនៅឡើយទេ ហើយក្លិបទាំងពីរអាចដាក់ពាក្យបណ្តឹងឧទ្ធរណ៍រហូតដល់ថ្ងៃនេះ។
ទន្ទឹមនឹងនេះដែរ Satun United, Baan Khai United និងក្លិប Chaiyaphum នឹងត្រូវដាក់ឯកសារគាំទ្រផ្នែកហិរញ្ញវត្ថុមុនថ្ងៃទី ២០ ខែកក្កដា។ ការខកខានមិនបានបំពេញតាមលក្ខខណ្ឌនេះក្លឹបនឹងមិនត្រូវបានផ្តល់សិទ្ធិទៅលេងនៅលីគទី ៣ ឡើយ។
លីកទីបីថៃចែកជា ៦ ក្រុមតាមតំបន់៖
ផ្អែកលើទ្រង់ទ្រាយដែលបានប្រើពីមុន ការប្រកួតលីកថៃ ៣ ត្រូវបានធ្វើឡើងដោយបែងចែកជាតំបន់នៅក្នុងប្រទេសថៃ។ ជាសរុបមាន ៦ តំបន់ឬ៦ពូល ដែលនីមួយៗមានចន្លោះពី ១១ ទៅ ១៤ ក្រុម។
ក្រុមឈរលេខ១ និងក្រុមលេខ២ តំបន់នីមួយៗនឹងមានលក្ខណៈគ្រប់គ្រាន់សម្រាប់ការប្រកួតកម្រិតថ្នាក់ជាតិ។ នៅដំណាក់កាលនេះក្រុមដែលមានសិទ្ធិទាំងអស់នឹងត្រូវបែងចែកជា ២ ក្រុមគឺតំបន់ខាងលើ (Upper Region) និងតំបន់ក្រោម (Lower Region)។
ធ្វើបែបនេះគឺដើម្បីជួយសម្រួលដល់ការគ្រប់គ្រងភ័ស្តុភារ និងសន្សំសំចៃថ្លៃដើមសម្រាប់ក្រុមដែលពាក់ព័ន្ធ។ ក្រុមជើងឯកតំបន់ខាងលើ Upper Regional នឹងត្រូវប្រកួតជាមួយនឹងក្រុមជើងឯកតំបន់ខាងក្រោម Lower Regional (ទាំងវគ្គជម្រុះ Play-off Thai League 2) ហើយក្រុមជើងឯករងនៃតំបន់នីមួយៗក៏នឹងត្រូវប្រកួតគ្នាក្នុងវគ្គជម្រុះដើម្បីយកកៅអីដេលនៅសល់មួយដើម្បីឡើងទៅលេងលីគទី២៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
