ផ្នែកទាំង ៧ លើរាងកាយ បើចេះតែរមាស់ញឹកញាប់ ប្រញាប់ទៅរកពេទ្យជាបន្ទាន់!
ប្រសិនអ្នកកត់សម្គាល់ឃើញថាផ្នែកមួយក្នុងចំណោមផ្នែកទាំង ៧ លើរាងកាយ ដូចបង្ហាញខាងក្រោម មានសភាពរមាស់ញឹកញាប់ នោះសូមអ្នកប្រញាប់ទៅរកពេទ្យជាបន្ទាន់ ដើម្បីពិគ្រោះ ព្រោះជៀសវាងការកើតមានបញ្ហាធ្ងន់ធ្ងរទៅពេលបន្ទាប់៖
៧) រមាស់តំបន់ខាងក្រោម
តំបន់ប្រដាប់ភេទ បើអ្នកឧស្សាហ៍ជួបបញ្ហារមាស់ញឹកញាប់ វាក៏ជាបញ្ហាប្រឈមមួយដែរ។ សម្រាប់ស្រ្តីអាចជារោគសញ្ញានៃជំងឺមហារីកមាត់ស្បូន បើគ្មានការព្យាបាលទាន់ពេល វាអាចវិវត្តទៅកាន់តែធ្ងន់ធ្ងរ។
៦) រមាស់ភ្នែក
នោះក៏ដោយសារតែមុខងារនៃថ្លើមថយចុះ នាំឲ្យអសមត្ថភាពក្នុងការបន្សាបជាតិពុល ជាហេតុនាំឲ្យជាតិពុលជាប់ទ្រឹងក្នុងខ្លួន ហើយអ្នកងាយនឹងឡើងរមាស់ភ្នែក។
៥) រមាស់ត្រចៀក
ភាគច្រើនជារោគសញ្ញានៃជំងឺរលាកត្រចៀកផ្នែកខាងក្នុង ដែលអ្នកក៏គួរតែទៅពិគ្រោះជាមួយគ្រូពេទ្យដែរ ព្រោះបើទុកយូរអាចវិវត្តទៅការបាត់បង់សមត្ថភាពនៃការស្តាប់។
៤) រមាស់បាតជើង
ជារោគសញ្ញាជំងឺទឹកនោមផ្អែម ដែលអ្នកមានអារម្មណ៍ថារមាស់បាតជើងឥតឈប់។ នៅពេលដែលជាតិស្ករក្នុងឈាមកើនឡើងនៅរយៈពេលយូរ វាធ្វើឲ្យមានបញ្ហាទៅផ្នែកសរសៃឈាមនៅត្រង់ជើង ដែលបណ្តាលឲ្យរមាស់បែបហ្នឹងហើយ។
៣) រមាស់ស្បែក
ថ្លើមនិងតម្រងនោមអ្នកប្រាកដជាមានបញ្ហាហើយ ទើបនាំឲ្យស្បែកឡើងរមាស់ ឬឡើងកន្ទួលក្រហមជាបន្តបន្ទាប់។ មូលហេតុមកពីជាតិពុលនិងកាកសំណល់ក្នុងរាងកាយ មិនត្រូវបានកម្ចាត់ចោល នាំឲ្យវាបង្ខំចេញមកខាងក្រៅ ទើបអ្នកឡើងរមាស់ស្បែក។
២) រមាស់ច្រមុះ
អាចជាជំងឺរលាកច្រមុះ នៅពេលអាកាសធាតុប្រែប្រួល សំណើមក្នុងច្រមុះក៏មានការប្រែប្រួលដែរ។ អ្នកអាចនឹងងាយហៀរសំបោ ឬងាយកណ្តាស់ញឹកញាប់។
១) រមាស់ទ្រូង
សម្រាប់មនុស្សស្រី បើរមាស់ទ្រូង ឡើងកន្ទួលក្រហម អាចប្រឈមនឹងជំងឺមហារីកសុដន់ ដែលអ្នកគួរតែមានការប្រុងប្រយ័ត្ន ហើយទៅជួបគ្រូពេទ្យផ្នែកជំនាញជាបន្ទាន់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
