តើម្ចាស់បទ សង្សារចាស់ អាចចូលរាមទេ បន្ទាប់ពីនិពន្ធបទមួយនេះឲ្យមាសសុខសោភា?(មានវីឌីអូ)
ប្រិយមិត្តប្រាកដជាបានស្គាល់ស្រាប់ហើយថា លោក ម៉ា ច័ន្ទបញ្ញា គឺជាតារាចម្រៀង Original Song ម្នាក់ដែលមានសមត្ថភាពខ្ពស់ ដែលអាចនិពន្ធបានទាំង ទំនុកច្រៀង មេឡូឌី បទភ្លេង ព្រមទាំងច្រៀងបានពិរោះថែមទៀតផង។ ហើយបទដែលលោកបានផលិតឡើងមកមួយៗសុទ្ធសឹងតែទទួលបានការគាំទ្រច្រើនពីសំណាក់យុវវ័យតែម្តង។
ហើយនាពេលនេះផងដែរ លោក ម៉ា ច័ន្ទបញ្ញា ក៏បាននិពន្ធចម្រៀងមួយបទ ទាំងសាច់ភ្លេងនិងទំនុក សម្រាប់កំពូលតារាចម្រៀង កញ្ញា មាស សុខសោភា។ បទ សត្វស្លាប ដែលលោក ម៉ា ច័ន្ទបញ្ញា ផលិតឡើងឲ្យ កញ្ញា មាស សុខសោភា មួយបទនេះ គឺជាស្នាដៃទីមួយរបស់លោកដែលមាននៅក្នុងផលិតកម្មរាមផងដែរ។
បទចម្រៀងដែលមានពាក្យពេចន៍ផ្អែមល្ហែម ថ្មីប្លែក រៀបរាប់ពីការឈឺចាប់ដែលស្រលាញ់មនុស្សខុស សែនឈឺចាប់មួយបទនេះ វាពិតជាធ្វើឲ្យមនុស្សជាច្រើនដែលបានស្តាប់ហើយស្រក់ទឹកភ្នែកមិនខ្លួន ព្រោះតែបទនេះបានចាក់ចំដំបៅបេះដូងមិត្តៗនារីៗ ដែលធ្លាប់ត្រូវគេក្បត់ទាំងខ្លួននៅស្រលាញ់គ្រប់គ្នា។
បទចម្រៀងដែលមានអត្ថន័យបូកផ្សំជាមួយនិងសំនៀងតារាចម្រៀងដែលមានសម្លេងផ្អែមស្រទន់ បានធ្វើឲ្យចម្រៀងមួយបទនេះកាន់តែពិរោះរណ្តំតែម្តង។
ជាមួយគ្នានេះដែរ មានរឿងមួយទៀតដែលនៅតែជាចម្ងល់សម្រាប់មហាជននោះគឺថា តើម្ចាស់បទ សង្សារចាស់ លោក ម៉ា ច័ន្ទបញ្ញា អាចចូលផលិតកម្មរាមទេ ក្រោយពីនិពន្ធបទ សត្វស្លាប មួយនេះឲ្យកញ្ញា មាស សុខសោភាហើយ?
កុំឲ្យខាតពេលយូរ សូមទស្សនាវីឌីអូខាងក្រោម៖
អត្ថបទដោយ: Mr. Fun
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
