បុរសដែលមានផ្នែកទាំង ៤ នេះធំ ស្រីៗយកទៅមិនខុសទេ ពូកែស៊ូ ពូកែបង្កើតលុយណាស់
តាមក្បួនចាស់ៗពីបុរាណដំណាលមកថា បុរសដែលមានផ្នែកទាំង ៤ ខាងក្រោមនេះ នៅទំហំធំ ជាទូទៅពួកគេរមែងមានដំណើរជីវិតល្អ ហើយបើនិយាយពីអត្តចរិតក៏ល្អពីធម្មជាតិថែមទៀត៖
៤) ជើងធំ
បុរសដែលមានជើងធំ ច្រើនតែជាបុរសដែលមានភាពរឹងមាំ ចរិតលក្ខណៈរបស់ពួកគេបើតាំងចិត្តធ្វើអ្វីមួយហើយ គឺច្បាស់លាស់នឹងធ្វើវាឲ្យបាន ដើម្បីសម្រេចក្តីសុបិន។
ដោយសារតែភាពស្មោះត្រង់ ឧស្សាហ៍ព្យាយាមរបស់ពួកគេនេះហើយ ក៏រមែងនាំឲ្យភាពជោគជ័យងាយកើតឡើងសម្រាប់ជីវិតរបស់ពួកគេ។ និយាយទៅមនុស្សប្រភេទនេះ ដរាបណាដង្ហើមនៅមាន គឺមានផ្លូវដើរសម្រាប់ខ្លួនឯងរហូត ហើយបើនិយាយពីការរកលុយគឺរមែងមានប្រៀបជាងមនុស្សប្រុសទូទៅ។
៣) ច្រមុះធំ
អ្នកដែលមានខ្ទង់ច្រមុះទាំងសងខាងបើកចំហធំ ហើយរន្ធច្រមុះរាងតូច នោះជាមនុស្សឯករាជ្យ និងចេះគ្រប់គ្រងខ្លួនឯងបានល្អ។ ការបង្កើតអាជីព ចាប់ផ្តើមជំនួញអ្វីពួកគេគិតបានល្អិតល្អន់ណាស់ ហើយរមែងធ្វើវាអស់ពីសមត្ថភាពមិនខ្ជិលច្រអូសឡើយ។
ជាមួយភាពអត់ធ្មត់ពីកំណើត លាយឡំនឹងសមត្ថភាពនៃការគ្រប់គ្រង ក៏នាំឲ្យពួកគេរមែងដាក់អី ជោគជ័យហ្នឹង ហើយបើនិយាយពីទ្រព្យគឺចេះតែកើតមានជាប់រៀងរហូតដល់ទីបញ្ចប់នៃជីវិត។
២) ត្រចៀកធំ
ត្រូវបានគេនិយមហៅថា ជាមនុស្សឆ្លាត ហើយមានចិត្តទូលាយជាមួយមនុស្សជុំវិញខ្លួន និងជាពិសេសគឺគ្រួសារសាច់ញាតិ។ មនុស្សប្រុសប្រភេទនេះ រមែងចង់រៀនអ្វីដែលថ្មី ចង់ចេះចង់ដឹង ព្រោះគិតថាងាយស្រួលក្នុងការសម្រេចភាពជោគជ័យក្នុងជីវិត។
បុគ្គលិកលក្ខណៈរបស់ពួកគេ ក៏មានការគិតបានល្អ និងមានប្រាជ្ញាចេះបែងចែកសខ្មៅ ដឹងខុសដឹងត្រូវ ដឹងចាស់ដឹងទុំ ដែលនារីភាគច្រើនរមែងប្រាថ្នាចង់បានបុរសចំណុចទី ២ នេះជាគូ។
១) ចង្អូរធំ
នោះគឺសំដៅដល់ចង្អូរ ដែលនៅចន្លោះនៃបបូរមាត់និងច្រមុះរបស់អ្នក។ បើវាមានទំហំ នោះជាបុរសដែលរមែងមានអាជីពការងារល្អ ហើយមានសំណាងក្នុងជីវិត។
បុរសនេះដែរក៏តែងតែមានថាមពលវិជ្ជមានហូរចូលមកក្នុងចិត្ត លាយឡំនឹងភាពអត់ធន់ ហើយការចាប់ផ្ដើមអាជីវកម្មបើចាប់ផ្ដើមដៃទទេ ក៏រមែងងាយនឹងបានផលមកវិញថ្កុំថ្កើងផងដែរនៅថ្ងៃខាងមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
