ហាមប្រមាថដាច់ខាត! នេះជំនឿចាស់ៗពីបុរាណទាំង ៩ គ្រាន់តែអានក៏ព្រឺក្បាលដែរ
និយាយពីជំនឿរបស់ចាស់ៗពីបុរាណ គឺមានរឿងរ៉ាវច្រើនណាស់ ដែលវាពិតជាអាថ៌កំបាំងហើយគ្មាននរណាអាចបកស្រាយបានឡើយ។ តែយ៉ាងណាយើងក៏មិនអាចប្រមាថបាននោះដែរ ហើយត្រូវតែអនុវត្តតាមឲ្យបានខ្ជាប់ខ្ជួន ដើម្បីជៀសវាងការជួបនូវរឿងមិនល្អណាមួយក្នុងជីវិត។
ខាងក្រោមយើងបង្ហាញប្រផ្នូលនិងជំនឿទាំង ៩ ដែលមនុស្សភាគច្រើនជឿខ្លាំងបំផុត ហើយអ្នកក៏មិនគួរប្រមាថដែរ៖
៩) សុខៗមានសត្វទីទុយមកទំលើដំបូលផ្ទះ វាគឺប្រផ្នូលមិនល្អ ដែលអាចបង្កការលំបាកណាមួយដល់ម្ចាស់ផ្ទះ ហើយជាទូទៅសត្វទីទុយកម្រនឹងហោះមកកន្លែងមានមនុស្សច្រើនអ៊ីចឹងណាស់
៨) ពេលយប់ស្ងាត់ បើលឺសំឡេងមនុស្សហៅ កុំឆ្លើយតបទៅវិញឲ្យសោះ ព្រោះវាជាសំឡេងអាក្រក់ វិញ្ញាណអាក្រក់ ដែលស្មើនឹងយើងអញ្ជើញវិញ្ញាណនោះចូលមកក្នុងផ្ទះ
៧) នៅពេលយប់ បើសុខៗអ្នកធំក្លិនផ្សែងធូបអណ្តែតមក មានន័យថាជាព្រលឹងបិសាចស្ថិតនៅខាងក្នុងផ្ទះយើង
៦) កុំគោះចានបាយនៅពេលយប់ ព្រោះវាជាការហៅវិញ្ញាណខ្មោចដែលកំពុងរកចំណីអាហារ
៥) ស្រ្តីដែលពពោះ គេហាមមិនឲ្យទៅចូលរួមបុណ្យសពទេ ព្រោះអាចមានព្រលឹងជ្រៀតជ្រែកមកក្នុងខ្លួនជាមួយទារក ដែលមិនទាន់កើត ហើយអាចឲ្យម្តាយនិងកូនមានគ្រោះថ្នាក់
៤) កុំកាត់ក្រចកនៅពេលយប់ ព្រោះអ្នកអាចធ្វើឲ្យដូនតាដែលបានចែកឋានទៅមានការមិនសប្បាយចិត្ត
៣) កុំសរសើរភ្លាមៗទៅលើទារកទើបកើតថាគួរឲ្យស្រលាញ់ ព្រោះវាអាចឲ្យព្រលឹងច្រណែន ហើយយកទារកនោះចេញពីម្តាយឪពុកទៅបាត់
២) ហាមផ្តាច់មានទ្វារ ៣ នៅខាងក្នុងផ្ទះ ព្រោះវាតំណាងឲ្យឋានទាំង ៣ ឋានសួគ៌ ឋាននរក និងឋានកណ្តាល ដែលអាចឲ្យវិញ្ញាណហោះឆ្លងកាត់បាន
១) កុំប្រើស្និតសិតសក់ដែលខូច ហើយចាំបាច់ត្រូវតែប្តូរថ្មី ព្រោះវាអាចនាំសំណាងអាក្រក់ដល់អ្នក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
