ប្រពន្ធល្អតែងតែផ្តល់អោយប្តីនូវរសជាតិជីវិត ៣យ៉ាងនេះ
ប្រពន្ធគឺជាមនុស្សដែលមានចិត្តល្អ និងស្មោះត្រង់បំផុត។ ពួកគេតែងតែស្វែងរកវិធីដើម្បីជួយស្វាមីរបស់ពួកគេឈានទៅមុខក្នុងអាជីព។ ពួកគេសុខចិត្តលះបង់វ័យក្មេងដើម្បីមើលថែ គាប់បម្រើប្តីនិងកូន ដោយគ្មានការរអ៊ូរទាំឡើយ។ ក្នុងលោកនេះពិតជាពិបាករកប្រពន្ធបែបនេះណាស់ ពេលបាត់បង់ហើយក៏មិនអាចរកបានវិញដែរ ដូច្នេះហើយបុរសៗគួរតែចេះថែរក្សាប្រពន្ធ កុំចោលដុំពេជ្រទៅយកគ្រាប់គ្រួសតាមផ្លូវ។ បើអ្នកយកប្រពន្ធត្រូវអ្នកនឹងអាចស្គាល់នូវរសជាតិជីវិត៣យ៉ាងនេះ៖
១.រសជាតិនៃការអត់ធ្មត់៖ ក្នុងជីវិតមនុស្សប្រុសមានតែមនុស្សពីរនាក់ទេដែលអាចអត់ធ្មត់ជាមួយទង្វើរបស់ពួកគេបាន។ ទីមួយគឺម្តាយ និងទីពីរជាប្រពន្ធ ស្ត្រីទាំងពីរនាក់នេះតែងតែស្រឡាញ់ និងអត់ឱនចំពោះអ្នក។ ពួកគេសុខចិត្តទទួលយកការនៅជាមួយអ្នក ទោះបីជាអ្នកមិនមែនជាមនុស្សល្អឥតខ្ចោះបំផុតក៏ដោយ។ ការអត់ឱនរបស់ភរិយាជាកម្លាំងជំរុញឱ្យបុរសមានអារម្មណ៍ថាមានសុវត្ថិភាពក្នុងអាជីពរបស់ខ្លួន។ ជាងនេះទៅទៀត ស្ត្រីដែលចេះអធ្យាស្រ័យ ប្រាកដជាមានការយោគយល់ និងទន់ភ្លន់នៅពេលត្រឹមត្រូវ ដូច្នេះហើយពួកគេក្លាយជាមូលដ្ឋានរឹងមាំសម្រាប់ស្វាមី ដូច្នេះកុំក្បត់ចិត្តប្រពន្ធដែលល្អបែបនេះអោយសោះ។
២.រសជាតិនៃភាពស្មោះត្រង់៖ មនុស្សស្រីក្រៅគឺតែងតែគិតតែពីលុយរបស់បុរស ខុសពីប្រពន្ធដែលតែងតែមើលថែប្តីនិងកូន។ ជនទីបីនឹងនៅជាមួយមនុស្សប្រុសនៅពេលគាត់មានលុយ ប៉ុន្តែប្រពន្ធកូននឹងនៅជាមួយប្តីក្នុងគ្រាលំបាក។ ទោះក្រប៉ុណ្ណាក៏ប្រពន្ធអាចស៊ូទ្រាំជំនះជាមួយប្ដីបានដែរ។ ភាពស្មោះស្ម័គ្ររកបានតែក្នុងប្រពន្ធល្អ ដូច្នេះហើយ កុំល្ងង់ព្រោះតែភាពចម្លែកបន្តិចនៅខាងក្រៅដែលធ្វើឱ្យអ្នកបាត់បង់ប្រពន្ធដ៏ស្មោះត្រង់ម្នាក់។
៣.រសជាតិនៃការថែទាំ៖ នៅពេលដែលបុរសមានលុយ គូស្នេហ៍អាចឡោមព័ទ្ធ ដណ្តើមគ្នាយកគាត់ ។ ប៉ុន្តែប្រពន្ធមិនថានៅពេលអ្នកមាន ឬ អ្នកក្រទេគឺតែងតែនៅក្បែរអ្នកដើម្បីមើលថែ និងការពារអ្នក។ ប្តីឈឺ ប្រពន្ធមិនដែលចាកចេញទេ ខុសពីស្រីកំណាន់ដែលនៅពេលអ្នកឈឺពួកគេនឹងចាកចេញពីអ្នកភ្លាម កុំថាឡើយមើលថែ អោយតែអ្នកលែងមានលុយអោយពួកគេ នោះអ្នកនឹងក្លាយជាអ្នកដទៃសម្រាប់ពួកគេភ្លាម។ ដូច្នេះហើយ ក្នុងអាពាហ៍ពិពាហ៍ រសជាតិនៃការថែទាំគឺមានសារៈសំខាន់ខ្លាំងណាស់ ហើយមានតែប្រពន្ធទេដែលអាចផ្តល់នូវរសជាតិនៃការថែទាំមកកាន់អ្នកបាន៕
ព័ត៌មានថ្មីៗ
