អ្នកឧស្សាហ៍ហូបមីប្រហែលនឹងឈប់ឯង ក្រោយដឹងផលប៉ះពាល់ធ្ងន់ធ្ងរទាំង ៦ យ៉ាងនេះ
មីកញ្ចប់ឬមីកំប៉ុង អាចរាប់បានថាជាអាហារសម្រន់ដែលអ្នកគួរទទួលទានតែក្នុងពេលវេលាបន្ទាន់ ឬចាំបាច់ណាមួយ ឬរវល់មិនបានធ្វើម្ហូបម្តងម្កាលតែប៉ុណ្ណោះ។ ផ្ទុយទៅវិញបើអ្នកយកមីមកជំនួសបាយ ឬយកវាមកធ្វើជាអាហារប្រចាំ ៣-៤ ដងក្នុងមួយសប្តាហ៍ នោះនឹងបណ្តាលឲ្យប៉ះពាល់សុខភាពអ្នកយ៉ាងធ្ងន់ធ្ងរ។
Knongsrok ជឿថាក្រោយអ្នកដែលឧស្សាហ៍ហូបមី បានអានហេតុផលប៉ះពាល់ទាំង ៦ នៅខាងក្រោមនេះហើយ ពួកគេប្រហែលជានឹងឈប់ឯង ដោយមិនចាំបាច់នរណាបង្ខំច្រើនឡើយ៖
៦) ដាក់បន្ទុកលើប្រព័ន្ធរំលាយអាហារ និងក្រពះ
មីគឺជាអាហារដែលពិបាកនឹងរំលាយបំផុត យូរទៅវានឹងធ្វើឲ្យសមត្ថភាពរបស់ក្រពះ និងប្រព័ន្ធរំលាយអាហារមានការធ្លាក់ចុះ ហើយនាំឲ្យអ្នកឧស្សាហ៍ហើមពោះ និងឈឺពោះ។
៥) ធ្វើឲ្យកើតជំងឺធាត់ លើសទម្ងន់
ការបរិភោគមីកញ្ចប់ជាអាហារពេលព្រឹក ឬអាហារសម្រន់ជាប្រចាំ នឹងបណ្ដាលឲ្យរាងកាយមានផ្ទុកនូវកាបូអ៊ីដ្រាតនិងខ្លាញ់លើសលប់។ វាជាហេតុផលបណ្ដាលឲ្យមានការកើនឡើងខ្លាញ់និងកាឡូរីក្នុងរាងកាយ ហើយជាហានិភ័យនៃការកើនឡើងកូឡេស្តេរ៉ុល ការកើតមានជំងឺទឹកនោមផ្អែក បេះដូងជាដើម។
៤) ធ្វើឲ្យខូចតម្រងនោម បង្កជាគ្រួសក្នុងតម្រងនោម
មីមានផ្ទុកជាតិអំបិលច្រើន ហើយបរិមាណអំបិលទាំងអស់នោះ ងាយនឹងធ្វើឲ្យខូចតម្រងនោម ហើយថែមទាំងបង្កជាគ្រួសក្នុងតម្រងនោមទៀតផង។ ក្រៅពីនេះវាក៏មានផ្ទុកនូវផូស្វាតច្រើន ដែលងាយឲ្យយើងមានជំងឺពុកឆ្អឹង និងធ្មេញខ្សោយ។
៣) បណ្តាលឲ្យកើតជំងឺដាច់សរសៃឈាមបេះដូង
ដោយសារតែសារជាតិខ្លាញ់ហួសប្រមាណ ឆ្លងកាត់មកក្នុងរាងកាយ ក៏វាបណ្តាលឲ្យយើងងាយនឹងកើតជំងឺដាច់សរសៃឈាមបេះដូង និងដាច់សរសៃឈាមខួរក្បាល ក៏ដូចជាលើសឈាម ហើយអ្នកដែលមានជំងឺបេះដូងស្រាប់នោះ គឺងាយនឹងអាចប៉ះពាល់អាយុជីវិតលឿនបំផុត។
២) មហារីក
ដោយសារតែវាមានផ្ទុកសារជាតិខ្លាញ់ឆ្អែត អំបិលជាច្រើន គឺងាយនឹងបណ្តាលឲ្យរាងកាយជួបបញ្ហាទល់លាមក។ លុះលាមកដែលស្ទះក្នុងពោះវៀនធំរយៈពេលយូរ ក៏អាចបណ្តាលឲ្យអ្នកកើតជំងឺមហារីកបានផងដែរ។
១) ធ្វើឲ្យក្តៅក្នុង
ជារឿងធម្មតាទេ ព្រោះមីកញ្ចប់ទាមទារសីតុណ្ហភាពនៃទឹកក្តៅខ្ពស់ ហើយពេលយើងទំពាចូលទៅ គឺធ្វើឲ្យយើងឆាប់មានអារម្មណ៍ថាស្ងួតមាត់ និងស្រេកទឹកច្រើន។ បរិភោគច្រើនទៅ អ្នកអាចកើតមានជំងឺរលាកមាត់ ពងបែកក្នុងមាត់ ឬកើតមុនលើផ្ទៃមុខបានយ៉ាងងាយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
