យល់សប្ដិឃើញរឿងសប្បាយ ៣ នេះ កុំគិតថាល្អ ព្រោះវាជាប្រផ្នូលអាក្រក់ទេ
ក្នុងយល់សប្ដិរឿងទាំង ៣ នេះអាចថាល្អ តែបើគិតមកក្នុងជីវិតខាងក្រៅ វាជាប្រផ្នូលអាក្រក់ទៅវិញទេ ដែលអ្នកត្រូវប្រុងប្រយ័ត្នខ្ពស់៖
៣) យល់សប្ដិរើសបានលុយ
មនុស្សជាច្រើនពេលសុបិន្តឃើញរើសបានលុយដែលគេជ្រុះ ឬកាបូបលុយដែលគេជ្រុះ គិតថាសប្បាយចិត្តនឹងរឿងនេះ។
ប៉ុន្តែតាមការឲ្យដឹងពីចាស់បុរាណ បាននិយាយថា វាជាប្រផ្នូលដែលអ្នករៀបនឹងបាត់បង់លុយទៅវិញទេ ព្រោះវិញ្ញាណដែលអ្នករើសលុយបាននោះ ត្រូវសងមកវិញជាមួយនឹងលុយក្នុងជីវិតពិត អ៊ីចឹងត្រូវប្រុងប្រយ័ត្ន។
២) យល់សប្ដិឃើញថាសាច់ញាតិដែលលាចាកលោកយកលុយមកឲ្យ
ប្រសិនអ្នកយល់សប្តិឃើញថា មានមនុស្សជាទីស្រលាញ់ណាម្នាក់ ឬសាច់ញាតិណាម្នាក់ដែលលោកចែកឋានទៅហើយ បានយកលុយមកឲ្យអ្នកនោះ វាមិនមែនជារឿងល្អនោះទេ ផ្ទុយទៅវិញវាជះផលអវិជ្ជមាននៃជីវិតមកវិញ។
ប្រផ្នូលនៃសុបិន្តនេះ គឺមានន័យថា ការដែលអ្នកនៅរស់ហើយ បែរជាត្រូវមនុស្សស្លាប់យកលុយមកផ្គត់ផ្គង់ឲ្យទៀត វាមានន័យថាអ្នកអាចនឹងជួបការបាត់បង់ផ្នែកហិរញ្ញវត្ថុដ៏ធំណាមួយ នាំឲ្យអ្នកមានការខាតបង់ខ្លាំង ដល់ធ្លាក់ខ្លួនក្រ បែបនេះក៏ត្រូវតែប្រយ័ត្នខ្ពស់ដូចគ្នា។
១) យល់សប្ដិឃើញចាប់បានត្រី តែត្រីនោះងាប់
ការដែលយប់សប្តិឃើញបែបនេះ មានន័យថានិមិត្តរូបនៃសំណាងរបស់អ្នក គឺវាបានហូរបាត់ទៅអស់ហើយ ឧទាហរណ៍លុយហៀបធ្លាក់ចូលហោប៉ៅក៏ជ្រុះទៅវិញ។
ប្រសិនណាចាប់បានត្រីកាន់តែច្រើន ហើយវាងាប់ទាំងអស់នោះ ស្មើនឹងអ្នកបាត់បង់សំណាងច្រើន ហើយប្រឈមនឹងប៉ះពាល់ដល់ទ្រព្យសម្បត្តិធ្ងន់ធ្ងរទៀតផង។ លុះត្រាតែសុបិនឃើញចាប់បានត្រីហើយវានៅរស់នោះទើបជាប្រផ្នូលនាំលាភ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
