កុំប្រហែសឲ្យសោះ! នេះរោគសញ្ញា ៥ បង្ហាញថាអ្នកកើតជំងឺមហារីកលំពែង ត្រូវប្រញាប់ទៅរកពេទ្យជាបន្ទាន់
ប្រសិនជាអ្នកជួប ១ ក្នុងចំណោមរោគសញ្ញា និងអាការៈទាំង ៥ ខាងក្រោមនេះ អ្នកត្រូវប្រញាប់ទៅពិគ្រោះជាមួយគ្រូពេទ្យជាបន្ទាន់៖
៥) អ្នកកើតមានជំងឺខាន់លឿង
រោគសញ្ញាដំបូងនៃជំងឺមហារីកលំពែង គឺជាជំងឺខាន់លឿង ឬស្បែកខាន់លឿង ដែលសាមញ្ញទៅគឺស្បែករបស់យើងឡើងទៅជាពណ៌លឿង។ មួយផ្សេងទៀតអាចសង្កេតមើលទឹកនោមដែលមានពណ៌រាងងងឹត លាមកឡើងខ្លាញ់ជាដើម...។
៤) ឧស្សាហ៍ចុកពោះ ឬឈឺខ្នង
ការជួបអាការៈឈឺចុកចាប់ផ្នែកពោះ ឈឺខ្នង ញឹកញាប់ក៏ជារោគសញ្ញាមួយនៃជំងឺមហារីកលំពែងផងដែរ។ ប្រសិនអ្នកបានជួបអាការៈបែបនេះហើយ ក៏ប្រញាប់ទៅរកអ្នកជំនាញពិគ្រោះយោបល់ជាបន្ទាន់ ជៀសវាងហួសពេល ពិបាកនឹងព្យាបាល។
៣) ស្រកទម្ងន់ និងបាត់បង់ចំណង់អាហារ
លែងឃ្លានអាហារ លែងចង់ហូបអ្វីចូលក្រពះ ហើយទម្ងន់ខ្លួនក៏ចេះតែស្រកទៅៗ ចំណុចហ្នឹងក៏ជារោគសញ្ញាបង្ហាញច្បាស់ៗមួយដែរ។
២) ការក្អួតចង្អោរ
មហារីកលំពែងនៅពេលដែលវាដាក់សម្ពាធចូលទៅលុកលុយខ្លាំងដល់ផ្នែកក្រពះ វាក៏រារាំងដល់ដំណើរការប្រព័ន្ធរំលាយអាហារ ហើយអាចបណ្តាលឲ្យអ្នកក្អួតចង្អោរ ឬឈឺចុកចាប់បន្ទាប់ពីទទួលទានអាហារចូលទៅ។
១) មានឈាមកក
អ្នកជំងឺមហារីកលំពែងមួយចំនួន ក៏រងនូវបទពិសោធន៍ជួបបញ្ហាឈាមកកក្នុងសរសៃឈាមធំ ដែលបណ្តាលឲ្យយើងទទួលរងនូវការឈឺចាប់ ខ្លួនឡើងហើមជាដើម។ ជួនកាលកំណកឈាមមួយផ្នែកអាចដាច់រហែក ហើយវាធ្វើដំណើរទៅកាន់សួត នាំឲ្យយើងពិបាកដកដង្ហើមឬមានអាការៈថប់ទ្រូង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
