មិនចាំបាច់តែស្អាតពេក ពូកែពេក ស្រីៗឲ្យតែមានរបស់ ៥ នេះ ធានាបុរសភាគច្រើនដកចិត្តមិនរួច
ការជ្រើសរើសគូរស្រករ សម្រាប់បុរសៗដែលមើលទៅលើនារី មិនសុទ្ធតែសម្លឹងរកតែស្អាតទាំងអស់នោះទេ ពេលខ្លះនាងអាចមានភាពអំណោយទានពីធម្មជាតិឬចំណុចល្អណាផ្សេងទៀតក្រៅពីសម្រស់ ដែលអាចអន្ទងចិត្តបុរសៗមិនងាយនឹងឲ្យដកចិត្តបាន។
ខាងក្រោម Knongsrok បង្ហាញ ៥ ចំណុច ប្រសិនស្រីៗណាមាន នោះធានាថាបុរសភាគច្រើនមិនងាយដកចិត្តពីនាងបានឡើយ៖
៥) ស្នាមញញឹមដ៏ទាក់ទាញ
នរណាក៏ចេះញញឹមដែរ តែស្នាមញញឹមដ៏ទាក់ទាញពីធម្មជាតិ គឺជាចំណុចដ៏រសើបមួយ ដែលមិនមែនសុទ្ធតែនារីគ្រប់គ្នាអាចមាននោះឡើយ។
ស្រីៗខ្លះគ្រាន់តែញញឹមចេញមក អាចឆក់យកបេះដូងបុរសខ្លះបានបាត់ទៅហើយ ជាងនេះស្នាមញញឹមរបស់នាង ហាក់ជះឥទ្ធិពលវិជ្ជមានដល់មនុស្សជុំវិញខ្លួនតែម្តង។
៤) ក្លាហាននិងជឿជាក់
គេចង់បានបំផុតគឺមនុស្សស្រីដែលមិនទន់ខ្សោយ និងមិនសូវចេះខ្មាសអៀន។ ន័យនេះចង់សំដៅដល់មនុស្សស្រី ដែលអាចមានភាពក្លាហាន មានជំនឿជឿជាក់លើខ្លួនឯង ដែលអាចនាំឲ្យបុរសយល់ឃើញថា មាននាងនៅក្បែរនឹងមិនសូវហត់នោះឡើយ។
មនុស្សស្រីប្រភេទនេះ បុរសភាគច្រើនរមែងឲ្យតម្លៃលើនាងខ្ពស់ខ្លាំងណាស់ ហើយពួកគេក៏មិនសូវហ៊ានលេងសើចច្រើន ឬធ្វើរឿងដែលមិនគប្បីមកលើនាងដោយងាយៗនោះដែរ។
៣) សុភាពនារី
សុភាពនារី មិនមានន័យថា នារីដែលស្ងៀមស្ងាត់ពេក ដែលស្លូតបូតពេកនោះទេ ផ្ទុយទៅវិញមានន័យថា ជានារីដែលចេះដឹងរាក់ជ្រៅ ចេះដឹងខ្ពស់ទាប និងជាពិសេសគឺចេះឲ្យតម្លៃ គោរពមនុស្សជុំវិញខ្លួន។ នាងប្រើប្រាស់ការវាយតម្លៃទៅលើនរណាម្នាក់ ដោយប្រើប្រាស់ចំណេះដឹង ពុំមែនវាយតម្លៃតែលើសម្បកក្រៅ។
២) រួសរាយបែបកំប្លែង
នេះក៏ជាចំណុចខ្លាំងមួយដែរ អ្នកធ្លាប់ឃើញទេ មនុស្សស្រីម្នាក់ដែលម៉ត់ចត់ តែក៏ចេះលេងសើច ដែលមើលទៅមានលក្ខណៈថ្លៃថ្នូរនិងសមរម្យអាចទទួលយកបាន។ មនុស្សស្រីប្រភេទនេះភាគច្រើនមាន IQ ខ្ពស់ណាស់ ព្រោះពាក្យដែលនាងនិយាយទៅ ល្មមអាចធ្វើឲ្យគេសើច ឲ្យគេសប្បាយចិត្ត ហើយមិនប៉ះពាល់អារម្មណ៍គេទេ ព្រោះគ្រប់ពាក្យបានឆ្លងកាត់ខួរក្បាលវិនិច្ឆ័យជាមុន។
១) មនុស្សដែលឆាប់បំភ្លេច
មិនសំដៅដល់មនុស្សស្រីដែលភ្លេចភ្លាំងច្រើនទេ ឆាប់បំភ្លេចនេះចង់មានន័យថា បើគេធ្វើខុសរឿងតូចតាចអ្វី ក៏មិនចេះគុំយូរដែរ ហើយបើមើលឃើញថា គេដឹងខុស ចេះកែកំហុសនោះហើយ គឺនឹងបំភ្លេចចោលបានដោយងាយ។
មនុស្សស្រីគឺសំខាន់ចំណុចហ្នឹង ព្រោះស្រ្តីខ្លះ បើបានឃើញគេខុសម្តង គឺទន្ទេញរាប់ភ្លេច ហើយរមែងលើកយកមកបន្ទាប់ ឬកាច់កុងនៅពេលខាងមុខណាមួយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
