មនុស្សប្រុសល្អមិននិយាយដើមសង្សារ ឬប្រពន្ធខ្លួនឯង ជាពិសេសមិននិយាយដើមមនុស្សស្រីដែលលែងជាអ្វីនឹងគ្នា
ជាគូសង្សារ ឬប្តីប្រពន្ធនឹងគ្នា មិនមែនមានតែរឿងផ្អែមល្ហែមល្អូ្ល្អើនរហូតទេ ចានក្នុងរាវរមែងមានការប៉ះទង្គិច រកាំរកូសជារឿងធម្មតា។
តែព្រោះតែភាគីមិនថាប្តី ឬប្រពន្ធរបស់អ្នកទេ សុទ្ធតែជាមនុស្សដែលអ្នកស្រលាញ់ និងរួមរស់ជាមួយ កុំធ្វើឱ្យកំហឹងមួយពេល ធ្វើឱ្យអ្នកប្រែជានិយាយពាក្យសម្តីមិនល្អ ឬនិយាយដើមប្តី ឬប្រពន្ធអ្នកជាដើម ដែលនាំឱ្យមានការស្តាយក្រោយពេលដែលអ្នកត្រូវគ្នាវិញ។
តែក្នុងករណីអ្នកឈ្លោះប្រកែកខ្លាំង រហូតដល់បែកបាក់លែងលះគ្នាគ្នានោះមនុស្សប្រុសល្អរឹតតែមិននិយាយដើមមនុស្សស្រី ជាពិសេសមនុស្សដែលលែងជាអ្វីនឹងគ្នា។
ដូច្នេះមកតាមដានរឿងខ្លីខាងក្រោមដែលអប់រំថាប្តីល្អមិននិយាយដើមប្រពន្ធខ្លួននោះទេ។
#រឿងខ្លីអប់រំ
ថ្ងៃមួយបុរសម្នាក់ចង់លែងលះប្រពន្ធខ្លួន គាត់ក៏បានទៅជួបមេភូមិ ។ ពេលត្រលប់មកវិញ អ្នកភូមិនាំគ្នាសួរគាត់ថា ហេតុអ្វីបានជាចង់លែងលះគ្នា ? គាត់ឆ្លេីយថា «មនុស្សប្រុសមិននិយាយដេីមប្រពន្ធខ្លួនឯងទេ»។
លុះក្រោយលែងលះគ្នារួច ពួកគេសួរគាត់ម្ដងទៀតថា ហេតុអ្វីបានជាលែងលះគ្នា ? គាត់ឆ្លេីយថា «មនុស្សដែលមិនត្រូវជាអ្វីនឹងគ្នាផង រឹតតែមិនគួរនិយាយដេីមគ្នា»។
នេះបានបង្ហាញថា ក្នុងពេលជាប្ដីប្រពន្ធ គាត់បានការពារកិត្តិយសប្រពន្ធគាត់ ហេីយទោះបីជាលែងលះគ្នារួច ក៏គាត់នៅតែរក្សាកេរ្តិ៍ឈ្មោះរបស់នាង ។
រហូតដល់ថ្ងៃគាត់ស្លាប់ គ្មាននរណាបានដឹងពីអាថ៌កំបាំងនៅពីក្រោយ នៃការលែងលះប្ដីប្រពន្ធគាត់ឡេីយ។
សរុបជារូមមក មិនថាក្នុងនាមប្តីប្រពន្ធ គូស្នេហ៍ ឬក្លាយជាអតីតទៅហេីយ គ្រប់គ្នាត្រូវចេះរក្សាកិត្តិយសឱ្យគ្នាទៅវិញទៅមក ព្រោះម្នាក់ៗយ៉ាងហោចក៏ជាមនុស្សដែលខ្លួនស្រលាញ់ ធ្លាប់ស្រលាញ់ និងធ្លាប់រួមខ្នេីយរួមគ្នាដែរ!៕
ព័ត៌មានថ្មីៗ
