ភ្ញាក់ខ្លួនដូចខ្មោច៧ថ្ងៃ! ៥សំណួរចម្លើយ សម្រាប់អ្នកដែលស្រលាញ់ចូលចិត្តរបស់ប្រេនៗ
មានមនុស្សជាច្រើនណាស់ចូលចិត្តទិញ និងប្រើប្រាស់របស់ប្រេនៗ ដោយរបស់ទាំងនោះត្រូវគេដឹងថាមានតម្លៃថ្លៃខ្លាំងណាស់ តែនៅតែមានអ្នកហ៊ានចំណាយលុយទិញវា។
តោះមកដឹង៥ចំណុចពីរបស់ប្រេនៗ ខាងក្រោមនេះ ៖
១. អ្នកមានប្រើតែរបស់ល្អទេ ហេតុអីបានជាគេមិនទិញផលិតផលមានអក្សរឈ្មោះប្រ៊េននៅលើនោះ?
ចំលើយ: ព្រោះខ្លួនគេមិនមែនជាផ្ទាំងផ្សាយពាណិជ្ជកម្មទេ!ដូចនេះ យើងកុំសង្វាតរឿងអក្សរពេញៗធំៗ Chanel Gucci លើអាវ រឺ កាបូបពេក វាគួរអោយចង់សើច ព្រោះយើងមើលទៅដូចជាផ្ទាំងប៉ាណូផ្សាយពាណិជ្ជកម្មមានចលនាអញ្ចឹង ហើយយើងផ្សាយអោយគេហ្វ្រីទៀត😂។ ជាទូទៅ គេប្រើផលិតផលដែលមានសញ្ញសំគាល់ម៉ាក រឺ គ្មានសញ្ញាសំគាល់អ្វីទាំងអស់។
២. ហេតុអ្វីបានជាយើងមិនឃើញអ្នកមាននៅថ្ងៃ Black Friday និង កន្លែងបញ្ចុះតំលៃផ្សេងៗ?
ចំលើយ: ព្រោះអ្នកមានទិញរបស់ដែលត្រូវទិញ! ទិញរបស់ដែលគេស្រលាញ់បំផុត មិនមែនទិញព្រោះតែគេចុះថ្លៃ រឺ មានរបស់ថែមនោះទេ។ តែពេលដែលគេទិញអចលនទ្រព្យ គេនិងរងចាំដល់ពេលចុះថ្លៃ រឺ បានតំលៃពិសេសទើបគេទិញ ព្រោះភាពចំនេញឥតខ្ចោះរបស់អចលទ្រព្យ គឺនៅពេលទិញ មិនមែននៅពេលលក់នោះទេ។
៣. អ្នកមានស្លៀកពាក់សាមញ្ញ ចំនែកអ្នកខ្លះទៀតក្រទេពាក់សុទ្ធតែប្រ៊េន
ចំលើយ: ការយល់ឃើញនេះខុសស្រលះ ព្រោះ
- ការចូលចិត្តភាពសាមញ្ញ វាជាចំនង់ចំនូលចិត្តរបស់បុគ្គល វាមិនទាក់ទងនិងមាន ឬក្រនោះទេ។ ឧ.Mark Zuckerberg និង ប្រពន្ធគាត់ចូលចិត្តតែងខ្លួនបែបសាមញ្ញ។ ត្បិតតែគាត់ពាក់អាវយឺតរាល់ថ្ងៃ តែកុំភ្លេចថាអាវគាត់តំលៃចន្លោះពី300$-400$ វាមិនមែនសាមញ្ញដូចភ្នែកអ្នកឃើញនោះទេ។
- អ្នកមានចូលចិត្តប្រើរបស់គុណភាព ស្អាត ហើយពិសេស។ នៅចំពោះមុខរាស្ត្រសាមញ្ញគេត្រូវស្លៀកពាក់សាមញ្ញ នេះគេហៅថាយល់កាលៈទេសៈ និងបង្កើតភាពស្និតស្នាល។ តែនៅពេលអ្នកមានជួបអ្នកមាន គ្រាន់តែតំលៃរបស់គេប្រើមួយតួខ្លួនគេ ក៏អាចទិញផ្ទះល្វែងបាន១ដែរ។ កុំព្យាយាមអួតសំភារៈនៅចំពោះមុខអ្នកមានព្រោះអ្នកមានមិនចេះស្រើបស្រាលនឹងរបស់ក្រៅខ្លួនទេ។ សំរាប់គេគ្រឿងទាំងនោះ គ្រាន់តែជារបស់លំអខ្លួនតែប៉ុណ្ណោះ។ ចំណេះ ភាពវ័យឆ្លាត ភាពស្មោះត្រង់ និងលក្ខណៈពិសេស របស់អ្នកទើបធ្វើអោយអ្នកមានចាប់អារម្មណ៏។
- អ្នកចូលចិត្តទិញរបស់ល្អប្រើ ក៏បន្តប្រើទៅ គ្មានទាស់ខុសអីទេ ទោះជីវភាពយើងមធ្យមក៏ដោយ អោយតែយើងអោយលុយគេដល់ដៃ នោះយើងនៅតែថ្លៃថ្នូរ។ ចំនែកអ្នកមិនប្រើរបសប្រ៊េមក៏កុំរិះគន់គេអី ព្រោះចំនង់ចំនូលចិត្ត លទ្ធភាព និង ការយល់ឃើញរបស់យើងខុសគ្នា។
៤. តើគួរប្រើរបស់ប្រ៊េនដែររឺទេ?
***ការពិត ភាគច្រើនអ្នកទិញរបស់ប្រ៊េន មិនមែនដោយសាររបស់នោះជាប្រ៊េនទេ តែដោយសារគេស្រលាញ់ម៉ូត និងគុណភាពតែប៉ុណ្ណោះ។ បើគិតពីចំនេញប្រើរបស់ល្អ ចំនេញជាង ព្រោះប្រើបានយូរមិនងាយហួសម៉ូត ប្រភេទពណ៌ និង ម៉ូតមានលក្ខណៈពិសេស។ គុណភាពសាច់ក្រណាត់មិនងាយយារ រឺ បែកព្រុយ។ ធ្លាប់ទេ របស់មានពេញទូរ តែពេលមានកម្មវិធី រកម៉ូតអីស្លៀកអោយប្លែកស្អាត ថ្លៃថ្នូរមិនបាន? នេះព្រោះតែអ្នកមានទំលាប់ទិញ ដោយគ្មានការពិចារណា!
៥. នៅក្នុងជីវភាព គេចែកជាអ្នកទាល់ក្រ អ្នកក្រ អ្នកមធ្យម អ្នកមាន សេដ្ឋីលំដាប់ប្រទេស និង សេដ្ឋីលំដាប់ពិភពលោក។ អ្នកចាយវាយជាមធ្យម ក្នុង១ខែ៥ពាន់ដុល្លា តើអ្នកគឺជាអ្នកមាន រឺ អ្នកមធ្យម?
ចំលើយ:
- ប្រសិនបើអ្នកគ្មានចំនូលទាល់តែសោះ ក្នុងរយៈពេល២ឆ្នាំ ហើយអ្នកនៅតែមានលុយចំនាយមួយខែ៥ពាន់ដុល្លាដដែល មានន័យថាអ្នកជាអ្នកមាន
- ប្រសិនបើក្នុងពេល២ឆ្នាំអ្នកត្រូវលក់ដី រឺ ផ្ទះ រឺ ទ្រព្យផ្សេងៗមានន័យថាអ្នកមធ្យមទេ
- ប្រសិនបើក្នុងពេល២ឆ្នាំអ្នកអស់លុយរលីង ហើយក៏គ្មានទ្រព្យអីលក់បន្តចាយទៀត មានន័យថាអ្នកក្រទេ។
*** យល់ពីស្ថានភាពខ្លួនឯងច្បាស់ ធ្វើអោយយើងរៀបចំផែនការជីវិតបានត្រឹមត្រូវ។ ការសន្សំមិនបានធ្វើអោយយើងទាល់ក្រ តែក៏មិនអាចធ្វើអោយយើងមានបានដែរ។ ដូចនេះ ត្រូវរៀនវិនិយោគលើទ្រព្យដែលមានតំលៃ។ កុំនាំគ្នាទៅខ្ចីលុយធនាគាមកទិញផ្ទះ ទិញដី ហើយច្រលំថាអ្នកមានទ្រព្យ ព្រោះពេលខ្លះ ការប្រាក់ធនាគារលូតលឿនជាងតំលៃផ្ទះដែលកើន។ ប្រសិនបើអ្នកមានបំណុល ៥០%លើទ្រព្យដែលអ្នកមាន មានន័យថាការសំរេចចិត្តអ្នកខុសហើយ។ ព្យាយាមសន្សំទ្រព្យហើយ រក្សាបំណុលអោយនៅត្រឹម១០%បានហើយ។
នេះជាបទពិសោធន៏ និង ការយល់ឃើញខ្ញុំ ប្រសិនបើមិនឯកភាពទេ គិតតាមការយល់ខ្លួនឯង ហើយអ្នកមានដែលខ្ញុំនិយាយនេះ ជាអ្នកមានដោយសម្ថភាពមិនមែន ដោយសារដេកចាយលុយម៉ែឪទេ៕
Credit: Na Narita Rita
ព័ត៌មានថ្មីៗ
