កុំបណ្ដោយកូនៗនូវរឿង ៥ យ៉ាងនេះ ប្រយ័ត្នធំទៅពួកគេខូច ហើយវាជាកំហុសអ្នកទាំងស្រុង
ពត់ដែកទាន់នៅក្តៅ មិនខុសពីការប្រដៅកូនតូចៗនោះទេ ដោយនៅចន្លោះអាយុ ២-៧ ឆ្នាំក្មេងចាប់ផ្តើមចេះអនុវត្តតាមនូវសកម្មភាពមួយចំនួន ដោយពួកគេមិនដឹងថាល្អឬអាក្រក់នោះទេ បើម្តាយឪពុកបង្ហាញមកបែបណា គឺពួកគេរមែងយកជាគំរូតាមបែបហ្នឹងហើយ។
យ៉ាងណាក្មេងតូចៗដូចជាក្រដាសសមួយអ៊ីចឹង ហើយយើងជាអាណាព្យាបាលគឺជាអ្នកគូសវាសលើក្រដាសនោះ បើយើងគូសបានល្អត្រឹមត្រូវ ទៅថ្ងៃមុខពួកគេក៏ដើរតាមគន្លងត្រឹមត្រូវអ៊ីចឹងដែរ។ ខាងក្រោមយើងបង្ហាញ ៥ ចំណុចដែលអ្នកត្រូវជៀសវាង ព្រោះអាចទម្លាប់ឲ្យពួកគេខូចទៅថ្ងៃមុខ៖
៥) កុំបង្រៀនកូនឲ្យរស់នៅដោយគ្មានច្បាប់ទម្លាប់
ធ្វើអ្វីក៏ដោយត្រូវតែមានច្បាប់ មានវិន័យ កុំចាំបាច់តែនៅកន្លែងធ្វើការងារ។ ដោយការរស់នៅក្នុងគេហដ្ឋាន ទម្លាប់ទាំងការហូបចុក ការគេង ក៏ត្រូវមានវិន័យច្បាស់លាស់ដែរ។
អ្នកត្រូវប្រាប់ពួកគេពីវិន័យថា ត្រូវទម្លាប់គេងម៉ោងប៉ុន្មាន ទទួលទានបាយម៉ោងប៉ុន្មាន លំហែកាយម៉ោងប៉ុន្មាន ឬប៉ុន្មានលើកក្នុងមួយសប្តាហ៍ ហើយបើមិនអនុវត្តតាម តើនឹងត្រូវទទួលរងការដាក់ពិន័យបែបណាខ្លះ?
៤) កុំទម្លាប់ជួយកូននៅការងារមួយចំនួន
ឧទាហរណ៍ដូច លំហាត់ការងារផ្ទះដែលសាលាដាក់ឲ្យ សម្រាប់អ្នកគឺស្រួលគិតតែមួយភ្លែត អាចផ្តល់ចម្លើយបានហើយ។ តែកុំដោយសារប្រញាប់ឲ្យពួកគេបានទទួលទានបាយ ឬប្រញាប់ទៅណាមួយហើយធ្វើជំនួសពួកគេឲ្យសោះ បែបនេះយូរទៅនឹងនាំឲ្យពួកគេមានអារម្មណ៍ថា អាងមានឪពុកម្តាយចាំជួយ ហើយខ្ជិលលែងចង់ធ្វើអ្វីដោយខ្លួនឯងហើយ។
៣) កុំបង្ហាញការមិនគោរព នៅចំពោះមុខកូន
ដូចបញ្ជាក់ពីខាងលើពួកគេប្រៀបដូចជាក្រដាសស បើអ្នកមានម្តាយឪពុកនៅផ្ទះ ហើយអ្នកបង្ហាញអាកប្បកិរិយាមិនល្អ ឬពាក្យសម្តីធំទៅលើពួកលោកទាំងពីរ ទៅថ្ងៃមុខពួកគេក៏មានទម្លាប់ធ្វើបែបហ្នឹងមកលើអ្នកដូចគ្នា។
ត្រូវចាំថាសកម្មភាពរបស់អ្នកបែបណា កូនរបស់អ្នកទៅថ្ងៃមុខគឺបែបហ្នឹង ហើយកុំគិតថាមិនជឿលើរឿងនេះបានឲ្យសោះ។
២) កុំបង្រៀនកូនឲ្យធ្វើជាមនុស្សអាត្មានិយម
ត្រូវមានវប្បធម៌ចេះចែករំលែក កុំមានអ្វីហូបតែខ្លួនឯង មិនចេះចែកបងប្អូន។ អ្នកត្រូវបង្រៀនកូន ថាទោះមានតិចឬច្រើន ក៏ត្រូវចែករំលែកឲ្យអ្នកជុំវិញខ្លួនបានក្តីសុខបន្តិចដែរ កុំដោយសារក្តីសុខម្នាក់ឯង ហើយប្រមូលគ្រប់យ៉ាងពីគេ ស្មើនឹងរស់លើគំនរទុក្ខអ្នកដទៃនោះ។
១) កុំទម្លាប់ស្រែកដាក់ក្មេងឲ្យបាត់យំ
ឪពុកម្តាយមិនគួរស្រលាញ់កូនខ្លាំងពេកទេ រហូតដល់គ្រប់ពេលសុខចិត្តចាញ់ ហើយឲ្យកូនឈ្នះ។ ទម្លាប់បែបនេះយូរទៅកូននឹងខូចដោយមិនដឹងខ្លួន ហើយមូលហេតុក៏ដោយសារអ្នកដែរ។
ពេលណាកូនយំ ចង់បានរបស់អ្វីមួយ ក៏ត្រូវព្យាយាមប្រាប់ពួកគេថា កុំឲ្យទម្លាប់យំបែបហ្នឹង ហើយបើម្តងជាពីរដងនៅតែបែបហ្នឹង ក៏ត្រូវប្រើវិធីគំរាមគេ ដោយផ្តាច់មិនឲ្យគេទទួលពេលវេលាសប្បាយ ឬលំហែកាយនៅចុងសប្ដាហ៍ ហើយត្រូវចាំជៀសវាងការប្រើប្រាស់អំពើហិង្សាលើកុមារជាដាច់ខាត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
